საქართველო აგრძელებს სახელმწიფო საზღვრის საკომუნიკაციო სისტემის მოდერნიზაციას. სხვადასხვა ადგილას მაღალსიჩქარიანი ოპტიკურ-ბოჭკოვანი ქსელის დამონტაჟება მიმდინარეობს, რაც სასაზღვრო სამსახურებს უფრო საიმედოს და ეფექტურს გახდის.

პროექტის ფარგლებში, აშშ-ის თავდაცვის საფრთხეების შემცირების სააგენტომ (DTRA) საქართველოს სახელმწიფო უსაფრთხოების სამსახურის ოპერატიულ-ტექნიკურ სააგენტოს (OTA) რამდენიმე ათეული როუტერი გადასცა, რომლებიც 35 სასაზღვრო სექტორში ქსელის დასამყარებლად იქნება გამოყენებული.

DTA-ს დირექტორმა ბექა მამარდაშვილმა DTRA-ს კავკასიის რეგიონული ოფისის ხელმძღვანელს, დევიდ კენედის, მხარდაჭერისა და მრავალწლიანი წარმატებული თანამშრომლობისთვის მადლობა გადაუხადა.

მაღალსიჩქარიანი ქსელის განვითარების პროექტის ფარგლებში, OTA-მ სახელმწიფო საზღვრის რამდენიმე მონაკვეთზე უკვე დაამონტაჟა ოპტიკურ-ბოჭკოვანი ქსელის ინფრასტრუქტურა.

აღსანიშნავია, რომ მიმდინარე წლის თებერვალში სასაზღვრო პოლიციამ ლეკისყურეს სასაზღვრო სექტორში სარეზერვო სატელიტური ინტერნეტ სისტემის პილოტირება დაიწყო, რამაც მნიშვნელოვნად გააუმჯობესა ინფორმაციის გაცვლა და მართვა.

ამჟამად მიმდინარეობს რამდენიმე ათეული დამატებითი სატელიტური ინტერნეტ აღჭურვილობისა და მასთან დაკავშირებული სერვისების შესყიდვა. პროექტის ფარგლებში, მაღალსიჩქარიანი ქსელი 35 სასაზღვრო სექტორში განთავსდება“, - განაცხადა საქართველოს სახელმწიფო უსაფრთხოების სამსახურმა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”