ირანის არმია სამხედრო იერიშით ემუქრება ახლო აღმოსავლეთში მდებარე იმ ნავთობკომპანიებს, რომლებიც აშშ-თან თანამშრომლობენ.

სამხედროების განცხადებაში, რომელსაც „როიტერი“ ავრცელებს, ნათქვამია, რომ ეს შეიძლება მოხდეს იმ შემთხვევაში, თუ თავდასხმების სამიზნე გახდება ირანის სანავთობე ინფრასტრუქტურა.

მანამდე აშშ-ის პრეზიდენტმა განაცხადა, რომ ამერიკელმა სამხედროებმა დარტყმა მიიტანეს ირანის კუნძულ ხარგზე და იქ არსებული ყველა სამხედრო ობიექტი გაანადგურეს. ტრამპის თქმით, მან გადაწყვიტა, „არ გაესწორებინა მიწასთან“ ხარგის კუნძულზე არსებული სანავთობე ინფრასტრუქტურა, თუმცა აღნიშნა, რომ ეს გადაწყვეტილება შეიძლება გადაიხედოს, თუ ირანი ხელს შეუშლის გემების გადაადგილებას ჰორმუზის სრუტეში.

ხარგის კუნძულზე მდებარეობს ტერმინალი, რომლითაც ირანის ნავთობის ექსპორტის დაახლოებით 90% ხორციელდება.

ცნობისთვის, აშშ-ისა და ისრაელის მიერ სამხედრო მოქმედებების დაწყების შემდეგ ირანმა უკვე განახორციელა დარტყმები სპარსეთის ყურის რამდენიმე ქვეყნის სანავთობე ინფრასტრუქტურაზე.

ავტორი: ექსპრესნიუსი,

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა