2024-10-09 09:08:27, 335 ნახვა
მსოფლიო
სირიის თავდაცვის სამინისტრო - ისრაელის მიერ დამასკოში, საცხოვრებელ კორპუსზე თავდასხმის შედეგად 7 ადამიანი დაიღუპა
ისრაელის მიერ დამასკოში, საცხოვრებელ კორპუსზე საჰაერო თავდასხმის შედეგად 7 ადამიანი დაიღუპა. ამის შესახებ ინფორმაციას BBC სირიის თავდაცვის სამინისტროზე დაყრდნობით ავრცელებს.
მედიის ცნობით, მაშველები ნანგრევებში მოყოლილებს კვლავ ეძებენ.
თავდასხმა დამასკოს იმ უბანში განხორციელდა, სადაც საელჩოები და უსაფრთხოების სამსახურების შტაბ-ბინები მდებარეობს.
მედიის ინფორმაციით, შენობის პირველი რამდენიმე სართული, რომელზეც თავდასხმა განხორციელდა, სრულად განადგურდა.
დაზიანებულია ოცამდე ავტომობილი.
ავტორი: ექსპრესნიუსი,
epn.ge (@expressnews.ge)
