2024-08-25 12:31:33, 415 ნახვა

---

რუსეთის შსს-მ ორგანიზაცია "საერთაშორისო გამჭვირვალობა - განდევნილი რუსეთის" ხელმძღვანელი ილია შუმანოვი ძებნილთა სიაში შეიყვანა

რუსეთის შინაგან საქმეთა სამინისტრომ ფედერალურ ძებნილთა სიაში ორგანიზაცია "საერთაშორისო გამჭვირვალობა - განდევნილი რუსეთის" ხელმძღვანელი ილია შუმანოვი შეიყვანა . ამის შესახებ ინფორმაციას რუსული გამოცემა "მედიაზონა" ავრცელებს.

გამოცემის ცნობით, საქმე იმის გამო აღძრეს, რომ მან მასალა "უცხოეთის აგენტისთვის" შესაბამისი აღნიშვნის გარეშე გაავრცელა.  

თავად შუმანოვმა "მედიაზონას" განუცხადა, რომ მის წინააღმდეგ სისხლის სამართლის საქმე აღიძრა ე.წ. უცხოური აგენტის მოვალეობის შეუსრულებლობის მუხლით.

"რუსეთის იუსტიციის სამინისტრომ შუმანოვი ე.წ. უცხოეთის აგენტად 2022 წლის ოქტომბერში გამოაცხადა, 2023 წლის ივლისში კი სასამართლომ ის ე.წ. უცხოეთის აგენტის მასალის შესაბამისი აღნიშვნის გარეშე გავრცელების ბრალდებით 100 000 რუბლით დააჯარიმა", - ნათქვამია ინფორმაციაში.

შეგახსენებთ, ილია შუმანოვი Transparency International-ის რუსულ დანაყოფს 2021 წლიდან ხელმძღვანელობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი