2024-04-19 10:32:06, 391 ნახვა
მსოფლიო
რუსეთში ბომბდამშენი ჩამოვარდა [ვიდეო]
რუსეთში, სტავროპოლის მხარეში Ту-22М3-ის ტიპის ბომბდამშენი ჩამოვარდა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ქვეყნის თავდაცვის სამინისტროზე დაყრდნობით ავრცელებს.
მედიის ცნობით, სამძებრო ჯგუფმა ეკიპაჟის 3 წევრის ევაკუაცია შეძლო, მეოთხეზე კი ძებნა გრძელდება.
სტავროპოლის ოლქის გუბერნატორმა, ვლადიმერ ვლადიმეროვმა განაცხადა, რომ ევაკუირებულებიდან 2 პილოტი სამედიცინო დაწესებულებებში გადაიყვანეს.
მედიის წინასწარი მონაცემებით, ავარიის მიზეზი ტექნიკური გაუმართაობა გახდა. ბორტზე საბრძოლო მასალა არ იყო.
ავტორი: ექსპრესნიუსი,
epn.ge (@expressnews.ge)
