2023-11-01 12:42:29, 820 ნახვა

---

Reuters - ეგვიპტეს, ისრაელსა და „ჰამასს“ შორის შედგა შეთანხმება, რომლის ფარგლებშიც, ღაზადან მოქალაქეების ნაწილის ევაკუაცია მოხდება

კატარის შუამავლობით და აშშ-ის კოორდინაციით, ეგვიპტეს, ისრაელსა და „ჰამასს“ შორის შედგა შეთანხმება, რომლის ფარგლებშიც, ღაზას სექტორიდან მოქალაქეების გარკვეული ნაწილის ევაკუაცია მოხდება. ამის შესახებ ინფორმაციას Reuters-ი წყაროზე დაყრდნობით ავრცელებს.

როგორც მედია წერს, შეთანხმების თანახმად, რაფაჰის გამშვები პუნქტიდან ღაზას დატოვებას შეძლებენ უცხო ქვეყნის მოქალაქეები და ზოგიერთი მძიმედ დაჭრილი.

წყაროს განცხადებით, უცნობია, რამდენ ხანს დარჩება ღია სასაზღვრო გამშვები პუნქტი ევაკუაციისთვის.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი