2023-10-04 14:37:32, 741 ნახვა

---

მოსკოვის რაიონულმა სასამართლომ ჟურნალისტ მარინა ოვსიანიკოვას 8,5 წლით თავისუფლების აღკვეთა მიუსაჯა

მოსკოვის რაიონულმა სასამართლომ რუსეთის „პირველი არხის“ ყოფილ რედაქტორს, მარინა ოვსიანიკოვას დაუსწრებლად 8,5 წლით თავისუფლების აღკვეთა მიუსაჯა. ამის შესახებ ინფორმაციას BBC ავრცელებს.

BBC-ის ცნობით, ოვსიანიკოვა რუსეთის შეიარაღებული ძალების შესახებ ყალბი ინფორმაციის გავრცელების მუხლით დამნაშავედ ცნეს.

აღსანიშნავია, რომ პროკურატურა ყოფილი ტელეწამყვანისთვის თავისუფლების აღკვეთას 9,5 წლით ითხოვდა.

ცნობისთვის, 2022 წლის 15 ივლისს ოვსიანიკოვამ კრემლის მახლობლად ომის საწინააღმდეგო პიკეტი გამართა. მის პოსტერზე ეწერა: „პუტინი მკვლელია. მისი ჯარისკაცები ფაშისტები არიან. 352 ბავშვი დაიღუპა. კიდევ რამდენი ბავშვი უნდა მოკვდეს, სანამ გაჩერდები?”

მანამდე, მარტის შუა რიცხვებში, ოვსიანიკოვამ ასევე გამართა საპროტესტო აქცია „პირველი არხის“ პირდაპირ ეთერში, რომლის დროსაც, უკრაინის ომის საწინააღმდეგო პლაკატით წამყვანის, ეკატერინა ანდრეევას უკან დადგა, რის შემდეგაც ადმინისტრაციული ჯარიმა მიიღო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი