2023-08-12 11:13:51, 790 ნახვა
მსოფლიო
ჰავაის კუნძულ მაუიზე ტყის ხანძრის დროს დაღუპულთა რიცხვი 67-მდე გაიზარდა
ჰავაის არქიპელაგის კუნძულ მაუიზე მასშტაბური ტყის ხანძრის შედეგად დაღუპულთა რიცხვი 67-მდე გაიზარდა. აღნიშნულ ინფორმაციას BBC ავრცელებს.
მედიის ცნობით, მეხანძრეები აგრძელებენ ხანძართან ბრძოლას, მაშველები კი ამ დრომდე ათასამდე ადამიანს ეძებენ.
ჰავაიდან ათიათასობით ადამიანის ევაკუაცია უკვე განხორციელდა. კუნძულის დასავლეთ მხარეს მყოფი პირები კი, ამ დრომდე ელექტროენერგიისა და ინტერნეტკავშირის გარეშე რჩებიან.
ცნობისთვის, მეხანძრეები მაუიზე ტყის ხანძრის ჩაქრობას 8 აგვისტოს შემდეგ ცდილობენ.
ავტორი: ექსპრესნიუსი,
epn.ge (@expressnews.ge)
