2023-02-21 09:18:53, 1122 ნახვა
მსოფლიო
ჯო ბაიდენი პოლონეთში ჩავიდა
აშშ-ის პრეზიდენტი, ჯო ბაიდენი პოლონეთში ჩავიდა.
მედიის ცნობით, კიევში ვიზიტის შემდეგ ბაიდენი უკრაინის დედაქალაქიდან პოლონეთის სასაზღვრო ქალაქ ფშემისლში მატარებლით ჩავიდა, საიდანაც თვითმფრინავით ვარშავაში გაემართა.
ვიზიტის ფარგლებში ბაიდენი პოლონეთის პრეზიდენტთან, ანჟეი დუდასთან გამართავს მოლაპარაკებებს.
გარდა ამისა, დაგეგმილია შეხვედრა „ბუქარესტის ცხრიანის“ ლიდერებთან.
აღსანიშნავია, რომ აშშ-ის პრეზიდენტი პოლონეთში 22 თებერვლამდე დარჩება, მისი ვიზიტი კი უკრაინაში რუსეთის ფართომასშტაბიანი ინტერვენციის წლისთავს უკავშირდება.
ავტორი: ექსპრესნიუსი,
epn.ge (@expressnews.ge)
