აფხაზეთის დე ფაქტო პრეზიდენტი ასლან ბჟანია სირიაში მიწისძვრის შედეგად დაზარალებულ ბავშვებს აფხაზეთში რეაბილიტაციას სთავაზობს. ამის შესახებ ინფორმაციას აფხაზეთის ე.წ სახელმწიფო მეთაურის პრესსამსახური ავრცელებს. 

როგორც განცხადებაში ვკითხულობთ, ასლან ბჟანია სირიის პრეზიდენტს, ბაშარ ალ-ასადის ტელეფონით ესაუბრა და მომხდარ ტრაგედიასთან დაკავშირებით სამძიმარი გამოთქვა.

საუბრისას მიღწეულ იქნა შეთანხმება მიწისძვრის შედეგად დაზარალებული ბავშვების აფხაზურ სანატორიუმებში რეაბილიტაციის შესახებ.

ასევე, სტიქიის შედეგების დაძლევაში დახმარების მიზნით, სეპარატისტული მთავრობის პრემიერ-მინისტრს ალექსანდრე ანქვაბს სირიისა და თურქეთის მაცხოვრებლებისთვის ჰუმანიტარული დახმარების გაწევის ღონისძიებების ორგანიზება დაევალა.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

ბოლო მონაცემებით, თურქეთსა და სირიაში მიწისძვრის შედეგად დაღუპულთა რაოდენობამ 21 000-ს გადააჭარბა. 

ავტორი: ექსპრესნიუსი,

სოციალური ქსელები

ზელენსკი: რუსეთმა ბოლო 24 საათის განმავლობაში უკრაინის ქალაქებისა და დაბების წინააღმდეგ 1560-ზე მეტი დრონი გამოიყენა

გარდაბანში ავარიას 5 ადამიანი ემსხვერპლა

ივანიშვილის წარმომადგენელს სეფაშვილს ჰგონია, რომ სამთავრობო იმედისთვის აკრედიტაციის შეჩერება დემოკრატიის აკრძალვაა

აშშ-მ პოლონეთში 4000-ზე მეტი სამხედროს განთავსება გააუქმა