2022-10-11 16:22:59, 1599 ნახვა

---

ლავროვი - უკრაინაში ვითარების დარეგულირებასთან დაკავშირებით, მოსკოვს ვაშინგტონისგან სერიოზული წინადადება არ მიუღია

უკრაინაში ვითარების დარეგულირებასთან დაკავშირებით, მოსკოვს ვაშინგტონისგან რაიმე სერიოზული წინადადება არ მიუღია, - ამის შესახებ უკრაინის საგარეო საქმეთა მინისტრმა სერგეი ლავროვმა ტელეკომპანია Russia-1-თან საუბრისას განაცხადა. 

მინისტრმა ასევე განაცხადა, რომ რუსულ მხარეს არ მიუღია ოფიციალური შეტყობინებები შეერთებული შტატების, დიდი ბრიტანეთის, გერმანიისა და საფრანგეთის მონაწილეობით მოლაპარაკებების გამართვის შესაძლებლობის შესახებ, რომელიც, თურქული მედიის ცნობით, შესაძლოა სტამბოლში მოეწყოს.

„ახლა ჩვენ გვესმის ამერიკელი ოფიციალური პირების განცხადებები, მათ შორის თეთრი სახლის წარმომადგენლები, ბატონი კირბი, მათ შორის ჩემი კოლეგა ბლინკენი, ადმინისტრაციის სხვა წევრები, რომლებიც ამბობენ, რომ ისინი მთელი გულით ღია არიან და ემხრობიან რუსეთის ფედერაციასთან მოლაპარაკებებს, მაგრამ რუსეთი არის ძალიან ცუდი და ის უარს ამბობს კონტაქტზე. ეს სიცრუეა. ჩვენ არ მიგვიღია რაიმე სერიოზული შემოთავაზება კონტაქტის დასამყარებლად. იყო არც თუ ისე სერიოზული მოწოდებები, რომლებზეც ჩვენ ასევე არ ვუპასუხეთ უარყოფითად, არამედ შევთავაზეთ კონკრეტული წინადადებების ჩამოყალიბება“, - განაცხადა მან.

მაუწყებლებმა ლავროვს სთხოვეს კომენტარი გაეკეთებინა უკრაინისთვის იარაღის მიწოდებაზე, რაზეც მან განაცხადა, რომ „დე ფაქტო, ამერიკელები დიდი ხანია მონაწილეობენ ამ ომში“.

"ისინი არა მხოლოდ იარაღებენ ზელენსკის და მის რეჟიმს, ისინი აწვდიან დაზვერვას თანამგზავრებიდან და არა მხოლოდ რამდენიმე ათეული სამხედრო თანამგზავრიდან, არამედ რამდენიმე ასეული კომერციული თანამგზავრიდან, რომლებიც ახლა სამხედრო სამსახურშია", - თქვა ლავროვმა.

ინდონეზიაში G20-ის სამიტზე ვლადიმირ პუტინისა და ჯო ბაიდენის შეხვედრის შესაძლებლობის შესახებ, ლავროვმა უპასუხა, რომ თუ ასეთი წინადადება მიიღება, ის მოსკოვში განიხილება.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი