ე.წ. რეფერენდუმის შედეგები არ ემთხვევა ლუგანსკის რეგიონში მცხოვრებთა რაოდენობას, -  ამის შესახებ ლუგანსკის ოლქის ხელმძღვანელმა, სერგეი გაიდაიმ განაცხადა. 

როგორც გაიდაი ამბობს, რუსეთის ცნობით, ე.წ. რეფერენდუმებზე, ლუგანსკის ოლქის ოკუპირებულ ნაწილებში, თითქმის იმდენივე ადამიანმა მისცა ხმა, რამდენიც 2012 წლის ოქტომბერში უზენაესი რადას არჩევნებში. ოლქის ხელმძღვანელის თქმით, ეს ხდება იმ ფონზე, როდესაც ჯერ კიდევ საომარი მოქმედებების დაწყებამდე, ათასობით ადამიანმა რეგიონი დატოვა.

"თვითგამოცხადებული ლუგანსკის სახალხო რესპუბლიკის ხელისუფლებამ განაცხადა, რომ "რეფერენდუმზე" 1,6 მილიონზე მეტმა ადამიანმა მისცა ხმა. 2012 წელს კი, უკრაინის უმაღლეს რადას არჩევნებში ლუგანსკის ოლქის ამომრჩეველთა სიებში 1,829 მილიონი ადამიანი შევიდა. ამასთან, მხოლოდ 2022 წლის გაზაფხული-ზაფხულის პერიოდში 320 ათასი მიგრანტი დარეგისტრირდა", - განაცხადა გაიდაიმ და დასძინა: „ეს თამაშები რეფერენდუმში არაფერს შეცვლის. ჩვენ დეოკუპაციისთვის ვემზადებით".

შეგახსენებთ, რომ ე.წ. რეფერენდუმები უკრაინის დროებით ოკუპირებულ ტერიტორიებზე 23-27 სექტემბერს მიმდინარეობდა. კრემლის მტკიცებით, რუსეთთან შეერთებას მხარი მოსახლეობის აბსოლუტურმა უმრავლესობამ დაუჭირა.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით