გერმანიამ გადაწყვიტა შეაჩეროს რუსეთთან სავიზო რეჟიმის გამარტივების შესახებ შეთანხმება,- აღნიშნულის შესახებ განცხადებას გერმანიის საგარეო საქმეთა სამინისტრო ავრცელებს.

როგორც გერმანიის საგარეო საქმეთა მინისტრმა ანნალენა ბერბოკმა გერმანულ მედიას განუცხადა, ევროპას სჭირდება ერთობლივი გადაწყვეტის პოვნა, ზოგჯერ საპირისპირო პოზიციებით.

„გერმანიის მთავრობას სურს საშუალება მისცეს „რუსეთში დევნილ ადამიანებს ძალიან სწრაფად დატოვონ ქვეყანა“,- განაცხადა ბერბოკმა.

მისივე თქმით, გერმანია რუსებს  ვიზების გამარტივებული გაცემის პროცედურის შეჩერებას სთავაზობს, და არა მრავალწლიანი ვიზების გაცემას.

გარდა ამისა, იგეგმება სავიზო დოკუმენტაციის მიმღებ პირთათვის დამატებითი შემოწმებების შემოღება. საბოლოოდ, ვიზის მოსაკრებელიც 35 ევროდან 80 ევრომდე გაიზრდება.

ცნობისთის, მანამდე გავრცელდა ინფორმაცია, რომ ევროკავშირის საგარეო საქმეთა მინისტრები მზად არიან მხარი დაუჭირონ რუსეთთან სავიზო რეჟიმის გამარტივების შეთანხმების შეჩერების წინადადებას.

შეგახსენებთ, რომ დღეს პრაღაში ევროკავშირის ქვეყნების თავდაცვის მინისტრების არაფორმალური შეხვედრა იმართება.

შეხვედრის მთავარი თემა კი უკრაინაში მიმდინარე ომი და რუსეთის შეკავების ახალი მექანიზმების შემუშავებაა იქნება.ამასთან, თავდაცვის მინისტრები დღესვე განიხილავენ იმ სამხედრო დახმარების პაკეტს, რომელსაც უკრაინას გადასცემენ.

გარდა ამისა, ევროკავშირის საგარეო საქმეთა მინისტრები ასევე გეგმავენ, რომ მხარი დაუჭირონ რუსეთთან ევროკავშირის სავიზო რეჟიმის გამარტივების შეთანხმების შეჩერებას, რათა შეზღუდონ რუსებზე გაცემული ვიზების რაოდენობა.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო