რუსეთმა უკრაინის დროებით ოკუპირებულ რეგიონებში ე.წ რეფერენდუმი, შესაძლოა, მიმდინარე კვირის ბოლომდე გამოაცხადოს,- ამის შესახებ პენტაგონის სპიკერმა, ჯონ კირბიმ განაცხადა.

კირბის თქმით, ამ საკითხთან დაკავშირებით, აშშ-ის პრეზიდენტი, ჯო ბაიდენი 25 აგვისტოს უკრაინის პრეზიდენტთან, ვოლოდიმირ ზელენსკისთან საუბარს აპირებს.

„რუსეთის ხელისუფლებამ ოფიციალურ პირებს დაავალა, რომ ფიქტიური რეფერენდუმების ჩასატარებლად მომზადება დაიწყონ. შესაძლოა, რუსეთმა პირველი ან რამდენიმე რეფერენდუმის ჩატარების შესახებ განცხადება უკვე მიმდინარე კვირის ბოლომდე გააკეთოს. პოტენციური ოლქები, სადაც რუსეთმა, შესაძლოა, რეფერენდუმები გამოაცხადოს, არის დონეცკი, ლუგანსკი, ხერსონი და ზაპოროჟიე”,- განაცხადა კირბიმ.

მისივე თქმით, აშშ ელის, რომ რუსეთი რეფერენდუმის შედეგებით მცდარ ინფორმაციას გაავრცელებს, რომ უკრაინელ ხალხს რუსეთთან შეერთება სურს.

„აშშ-მა და საერთაშორისო საზოგადოებამ მკაფიოდ განაცხადეს, რომ უკრაინის სუვერენულ ტერიტორიაზე კონტროლის დამყარების ნებისმიერი მცდელობა ლეგიტიმურად არ განიხილება“,- დასძინა პენტაგონის სპიკერმა.

შეგახსენებთ, რომ გავრცელებული ინფორმაციით, რუსეთი რეფერენდუმების ჩატარებას 11 სექტემბერს გეგმავს.

აღსანიშნავია, რომ რეფერენდუმის პარალელურად, 11 სექტემბერს რუსეთის რეგიონული და ადგილობრივი თვითმმართველობის არჩევნები უნდა ჩატარდეს.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო