სამხედრო აეროდრომ „საკის“ ტერიტორიაზე მომხდარმა აფეთქებებმა რუსეთის ფედერაციის საზღვაო ავიაციის შესაძლებლობების დაქვეითება გამოიწვია,- ამის შესახებ ინფორმაციას ბრიტანეთის დაზვერვა ავრცელებს.

დაზვერვის ცნობით, ახლა რუსული მხარე ოკუპირებულ ყირიმს თავის „უსაფრთხო ზონად“ არ მიიჩნევს.

„რუსული ფლოტის საზღვაო ავიაციის შესაძლებლობები ახლა მნიშვნელოვნად დაქვეითებულია. ეს ინციდენტი, სავარაუდოდ, აიძულებს რუსეთის არმიას გადახედოს საფრთხის აღქმას. ყირიმი აღარ აღიქმება როგორც უსაფრთხო უკანა ზონა”- აღნიშნულია განცხადებაში.

დაზვერვის თანახმად, მიუხედავად იმისა, რომ საკის სამხედრო აეროდრომზე აფეთქებების თავდაპირველი მიზეზი უცნობია, თვითმხილველების ვიდეოზე დაყრდნობით, შეიძლება ითქვას, რომ ეს ყველაფერი ოთხი დაუფარავი საბრძოლო მასალის აფეთქების შედეგია.

„მინიმუმ ხუთი Su-24 FENCER გამანადგურებელი-ბომბდამშენი და სამი Su-30 FLANKER H მრავალფუნქციური თვითმფრინავი”,- წერია განცხადებაში.

შეგახსენებთ, რომ 9 აგვისტოს ყირიმში აფეთქებები გაისმა საკის ავიაბაზაზე, სადაც რუსული გამანადგურებლები და ბომბდამშენები იყვნენ განლაგებული, რომლებიც ახორციელებდნენ რეიდებს.

მეორე დღეს უკრაინის საჰაერო ძალებმა დაადასტურა ოკუპირებულ ყირიმში აეროდრომზე ცხრა თვითმფრინავის განადგურება, მაშინ როცა უკრაინულმა მხარემ პასუხისმგებლობა არ აუღია ამ დარტყმებზე, უფრო მეტიც, თავად ოკუპანტები აფეთქებების სხვადასხვა ურთიერთგამომრიცხავ მიზეზებს ასახელებდნენ.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო