რუსი დამპყრობლების მიერ ოკუპირებულ მარიუპოლში მწვავე ნაწლავური ინფექცია მძვინვარებს,- აღნიშნულის შესახებ ინფორმაციას ქალაქის მერი პეტრ ანდრიუშჩენკო ავრცელებს.

მერის თქმით, ოფიციალურად დადასტურდა დაავადების 17 შემთხვევა. ინფექციის გავრცელების მიზეზს კი საკვები წარმოადგენს.

„გასულ კვირას გამოკვლეული 23-დან მწვავე ნაწლავური ინფექციის პირველი ოფიციალურად დადასტურებული 17 შემთხვევაა. უმეტესობა ბავშვია. დამპყრობლების აზრით, გავრცელების მიზეზი - საკვებია",-განაცხადა ანდრიუშჩენკომ.

აღსანიშნავია, რომ ჯერ კიდევ ივნისის დასაწყისში  ანდრიუშჩენკომ ეპიდემიის პირველი ეტაპის შესახებ განაცხადა. მისი აზრით, ქალაქს ემუქრებოდა ქოლერა, დიზენტერია ან სხვა ვირუსული ინფექციები.

შეგახსენებთ, რომ რუსი დამპყრობლები უკრაინაში 24 თებერვალს გამთენიისას შეიჭრნენ და სამხედრო და სამოქალაქო ობიექტებს ცეცხლი გაუხსნეს. მოწინააღმდეგეებმა მოახერხეს მარიუპოლზე  კონტროლის დამყარება- ქალაქი თითქმის მთლიანად განადგურდა, ათიათასობით ადამიანი დაიღუპა.

პრობლემა შეიქმნა ასევე სასმელ წყალთან დაკავშირებით. ამასთან, ადგილობრივი მოსახლეობა იძულებული გახდა საცხოვრებელი ფართი ქუჩაში მოეწყო.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო