|
2022-05-14 12:51:28, 1474 ნახვა
მსოფლიო
ერდოღანმა ნატო-ს ქვეყნების წარმომადგენლები ალიანსში შვედეთისა და ფინეთის შესვლის პოზიციით გააოცა
თურქეთის პრეზიდენტმა რეჯეფ თაიფ ერდოღანმა ნატო-ს წევრი ქვეყნების წარმომადგენლები ალიანსში შვედეთისა და ფინეთის შესვლის თაობაზე პოზიციით გააოცა. აღნიშნულის შესახებ ინფორმაციას ნორვეგიულ გამოცემა VG ავრცელებს. ნატოს წყაროების ცნობით, ერდოღანის სიტყვები თავდაცვის ალიანსში მოულოდნელი იყო, რადგან შვედეთისა და ფინეთის შესვლის თემა რამდენიმე თვის განმავლობაში განიხილებოდა. „ეს იყო ძალიან მოულოდნელი”, - თქვა VG-ის წყარომ ნატოს შტაბ-ბინაში. გამოცემა აღნიშნავს, რომ გენერალურმა მდივანმა იენს სტოლტენბერგმა უკვე არაერთხელ განაცხადა, რომ ფინეთსა და შვედეთს ხელგაშლილი შეხვდებოდა. ჯერჯერობით უცნობია, როგორ მოიქცევა თურქეთი მას შემდეგ, რაც შვედეთი და ფინეთი განაცხადებს წარადგენენ. იმის გამო, რომ ახალი წევრების მიღების ოფიციალური პროცესი შეიძლება შემცირდეს მხოლოდ ორ კვირამდე. მაგრამ საბოლოო დოკუმენტი უნდა დამტკიცდეს 30-ვე ქვეყნის მთავრობის ხელმოწერით. გარდა ამისა, ახლა ბევრს აინტერესებს, რეალურად შეუშლის თუ არა თურქეთი ხელს ნატო-ს გაფართოებას და რა მოთხოვნების წაყენება შეუძლია ერდოღანს. შეგახსენებთ, რომ ერდოღანმა განაცხადა, რომ ის დადებითად ვერ შეხედავს შვედეთისა და ფინეთის ნატო-ში შესვლას, რადგან ამ ქვეყნებში მოქმედებენ ქურთისტანის მუშათა პარტიის წარმომადგენლები, რომელიც თურქეთში ტერორისტულ ორგანიზაციადაა აღიარებული. ამასთან შვედეთმა და ფინეთმა, საპასუხოდ განაცხადეს, რომ ყველა უთანხმოება შეიძლება მოგვარდეს.
გვარამია- პირველად ისტორიაში, ევროკავშირთან ბევრად ახლოს და რუსეთისგან ბევრად შორს არიან სომხები
უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი
პირველმა არხმა ფეხბურთში 2026 წლის მსოფლიო ჩემპიონატის ჩვენების ლიცენზია დაკარგა
საქართველოში შემაშფოთებელი ტენდენციებია - მედიის თავისუფლების კოალიციის 16 წევრი ქვეყანა
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
რუსეთმა ოდესაზე მასშტაბური დარტყმა განახორციელა
ოდესაში, რუსული სამხედრო თავდასხმის შედეგად 16 ადამიანი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)