2022-03-09 21:53:29, 778 ნახვა
მსოფლიო
მარიუპოლში, სამშობიაროს დაბომბვის შედეგად ექიმები და ორსული პაციენტები დაშავდნენ
მარიუპოლის სამშობიაროზე ავიაიერიშის შედეგად, რომელიც დღეს, რუსმა ოკუპანტებმა განახორციელეს, 17 ადამიანი დაშავდა.
ინფორმაცია დონეცკის სამხედრო-სამოქალაქო ადმინისტრაციის ხელმძღვანელმა, პაველ კირილენკომ UAraz-ის ეთერში გაავრცელა.
„ამ დროისთვის მარიუპოლის მე-2 სამშობიაროზე ავიაიერიშის შედეგად, დაშავებულთა რიცხვი 17 ადამიანს შეადგენს. დაშავებულებს შორის სამედიცინო პერსონალი და ორსული ქალები არიან. დაღუპულები არ არიან“, - განაცხადა პაველ კირილენკომ.
მისივე თქმით, ოთხშაბათს, 9 მარტის დილის მდგომარეობით, მარიუპოლში დაღუპულთა საერთო რაოდენობა 1207 ადამიანს შეადგენს.
ავტორი: ექსპრესნიუსი,
epn.ge (@expressnews.ge)
