|
2022-02-22 11:26:02, 509 ნახვა
მსოფლიო
რუსეთი აღიარებს ე.წ რესპუბლიკებს დონეცკის და ლუგანსკის რეგიონების საზღვრებში
რუსეთი აღიარებს ე.წ რესპუბლიკებს დონეცკის და ლუგანსკის რეგიონების საზღვრებში. ამის შესახებ რუსული მედია სახელმწიფო სათათბიროს კომიტეტის ხელმძღვანელ ლეონიდ კალაშნიკოვზე დაყრდნობით იუწყება. ამავდროულად, გუშინ, რესპუბლიკების აღიარების შემდეგ, საერთაშორისო საქმეთა კომიტეტის თავმჯდომარის მოადგილემ, ანდრეი კლიმოვმა, ფედერაციის საბჭოზე განაცხადა, რომ რუსეთი აღიარებს ლუგანსკს და დონეცკს იმ საზღვრებში, რომლებიც ამჟამად არსებობს. კალაშნიკოვის განცხადება ცვლის სიტუაციას - უკრაინა ახლა დონეცკისა და ლუგანსკის ოლქების ტერიტორიების ნაწილს აკონტროლებს, იქ სამხედრო პერსონალია. ომის კვლევის ამერიკული ინსტიტუტის თანახმად, რუსეთის ჯარებს შეუძლიათ შეტევა უკრაინულ ფორმირებებზე, რომლებიც კონცენტრირებულნი არიან კონტაქტის ხაზზე, რათა კონტროლი მოიპოვონ ლუგანსკის და დონეცკის რეგიონების მთელ ტერიტორიაზე. რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ რესპუბლიკების დამოუკიდებლობა აღიარა „მივიღე გადაუდებელი გადაწყვეტილება, რომელიც დიდი ხნის წინ მომწიფთა, ვაღიარო დონეცკისა და ლუგანსკის დამოუკიდებლობა. ვთხოვ, ფედერაციის საბჭოს სასწრაფოდ მოახდინოს ამ გადაწყვეტილების რატიფიცირება", - განაცხადა ვლადიმერ პუტინმა. მანამდე, კრემლმა გაავრცელა ინფორმაცია, რომლის მიხედვითაც, ვლადიმირ პუტინმა დასავლეთს აცნობა, რომ დონეცკის და ლუგანსკის დამოუკიდებლობის აღიარებას აპირებს. შეგახსენებთ, რომ რუსეთის დუმამ ე.წ დონეცკისა და ლუგანსკის სახალხო რესპუბლიკების აღიარების მოთხოვნით პუტინს 15 თებერვალს მიმართა.
დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა
კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
რუსეთმა ოდესაზე მასშტაბური დარტყმა განახორციელა
ოდესაში, რუსული სამხედრო თავდასხმის შედეგად 16 ადამიანი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)