2022-02-19 17:02:58, 711 ნახვა
მსოფლიო
შევთანხმდით მომავალ ერთობლივ ნაბიჯებზე - ვოლოდიმირ ზელენსკი ბორის ჯონსონს შეხვდა
უკრაინის პრეზიდენტი ვოლოდიმირ ზელენსკი მიუნხენში დიდი ბრიტანეთის პრემიერ-მინისტრს, ბორის ჯონსონს შეხვდა.
ზელენსკის თქმით, ბრიტანეთის პრემიერთან მომავალი ერთობლივი ნაბიჯები შეათანხმა.
"მიუნხენში ბორის ჯონსონს შევხვდი. რუსეთის აგრესიული ქმედებების ფონზე უსაფრთხოების საკითხზე ვისაუბრეთ. შევთანხმდით ერთობლივ მომავალ ნაბიჯებზე. ჩვენ ვრჩებით ერთიანი დიპლომატიური გზით დეესკალაციისთვის. მადლობა დიდ ბრიტანეთს უკრაინისადმი მხარდაჭერისთვის და უსაფრთხოებისა და მშვიდობისთვის თანამშრომლობისთვის", - წერს ზელენსკი Twitter-ზე.
ავტორი: ექსპრესნიუსი,
epn.ge (@expressnews.ge)
