2022-01-12 20:14:46, 1464 ნახვა

---

ვენდი შერმანი - NATO-ში გაწევრიანებას კონკრეტული ეტაპები აქვს, უკრაინა ამ პროცესს გადის, რასაც დრო სჭირდება, იგივე ეხება საქართველოსაც

აშშ-ის სახელმწიფო მდივნის მოადგილის, ვენდი შერმანის განცხადებით, ყველა ქვეყანას სუვერენული უფლება აქვს, თავისი გზა თავადვე აირჩიოს. უკრაინა და საქართველო კი, ნატო-ში გაწევრიანების გრძელვადიან პროცესს, უკვე გადიან.

მისივე განცხადებით, ნატო-ს კარი ყველა იმ ქვეყნისთვის ღიაა, რომელსაც ალიანსში გაწევრიანება თვითონვე უნდა.

„დღეს, მე კიდევ ერთხელ დავადასტურე საერთაშორისო სისტემისა და ევროპის უსაფრთხოების ფუნდამენტური პრინციპები: ყველა ქვეყანას სუვერენული უფლება აქვს, თავად აირჩიოს საკუთარი გზა. ნატო-ში გაწევრიანების პროცესს თავისი მკაფიო ეტაპები აქვს. ეს არის MAP-ის პროცესი. უკრაინა ამ პროცესს გადის. ამას დრო სჭირდება. დიდი სამუშაოა საჭირო, რათა ნატო-ს მაღალი სტანდარტები დაკმაყოფილდეს. იგივე ეხება საქართველოსაც“, - განაცხადა ვენდი შერმანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი