აშშ-ის სახელმწიფო მდივანმა, უენდი შერმანმა განაცხადა, რომ 10 დეკემბერს, ჟენევაში, რუსეთთან გამართული შეხვედრა წარმოადგენდა საუბარს და არა მოლაპარაკებას და ამბობს, რომ აშშ-მა რუსეთის მიერ წარმოყენებული მოთხოვნები დეტალურად არ განიხილა.

ამასთან, შერმანი ამბობს, რომ რუსეთის წარმომადგენლებს ელაპარაკა ორმხრივ ნაბიჯებზე დეესკალაციისთვის სარაკეტო და წვრთნების სფეროებში, თუმცა მოსკოვი კიდევ ერთხელ გააფრთხილა, რომ უკრაინაში შეჭრას საფასური მოჰყვება.

"წამოვაყენეთ რამდენიმე იდეა, სადაც ჩვენი ორი ქვეყანა შეძლებს ორმხრივი ნაბიჯების გადადგმას, რომლებიც ჩვენი უსაფრთხოების ინტერესებში იქნება და გააუმჯობესებს სტრატეგიულ სტაბილურობას" - უთხრა შერმანმა ჟურნალისტებს.

შერმანის თქმით, აშშ-ის წარმომადგენლებს რუსეთის დელეგაციასთან ჰქონდათ გულწრფელი და პირდაპირი საუბარი, რომელიც რვა საათამდე გაგრძელდა, და აშშ ღია რჩება შემდგომი შეხვედრებისთვის, ორმხრივი ინტერესის საკითხების უფრო დეტალურად განხილვის მიზნით.

„ჩვენ მტკიცედ უარვყოფთ უსაფრთხოების საკითხზე შეთავაზებებს, რომლებიც აშშ-ისთვის უბრალოდ მიუღებელია. ჩვენ არ დავუშვებთ, რომ ვინმემ დახუროს ნატო-ს ღია კარის პოლიტიკა“, – აღნიშნა აშშ-ის სახელმწიფო მდივნის მოადგილემ.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით