2021-04-08 11:51:38, 687 ნახვა
სამართალი
საქალაქო სასამართლოში ნიკა მელიას სასამართლო პროცესი მიმდინარეობს
თბილისის საქალაქო სასამართლოში „ნაციონალური მოძრაობის“ თავმჯდომარის, ნიკა მელიას სასამართლო პროცესი მიმდინარეობს. სასამართლო სხდომას თავად ბრალდებული ნიკა მელია არ ესწრება.
როგორც „ექსპრესნიუსთან“ საუბრისას ნიკა მელიას ადვოკატმა, გიორგი კონდახიშვილმა განაცხადა, დიდი ალბათობით, სასამართლო აღკვეთის ღონისძიების გადასინჯვაზე იმსჯელებს.
შეგახსენებთ, რომ თბილისის საქალაქო სასამართლომ ნიკა მელიას აღკვეთის ღონისძიების სახით პატიმრობა 17 თებერვალს შეუფარდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
