2021-01-22 12:57:17, 495 ნახვა

---

ჯო ბაიდენის განცხადებით, მისი ეროვნული სტრატეგია არა პოლიტიკაზე, არამედ მეცნიერებაზეა დაფუძნებული

ჩვენი ეროვნული სტრატეგია ყოვლისმომცველია, ის დაფუძნებულია არა პოლიტიკაზე, არამედ მეცნიერებაზე. არა უარყოფაზე, არამედ სიმართლეზე, - ამის შესახებ აშშ-ის 46-ე პრეზიდენტმა, ჯო ბაიდენმა განაცხადა.

პრეზიდენტმა პირველ სამუშაო დღეს ყურადღება გაამახვილა ეროვნული სტრატეგიის შემუშავებაზე, ასევე კორონავირუსის პანდემიის კონტროლზე და ხელი მოაწერა რამდენიმე აღმასრულებელ ბრძანებას.

ამასთანავე, ჯო ბაიდენმა აღნიშნა, რომ კორონავირუსთან ბრძოლის ეროვნული სტრატეგია 198 გვერდისგან შედგება და თეთრი სახლის ოფიციალურ ვებ-გვერდზეა გამოქვეყნებული.

როგორც აშშ-ის 46-ე პრეზიდენტი აღნიშნავს, მისი პრეზიდენტობის პირველ 100 დღეში, 50 მილიონ ადამიანს ვაქცინის 100 მილიონი დოზა გაუკეთდება.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი