2020-09-17 16:14:14, 928 ნახვა

---

ევროპარლამენტი ალექსანდრ ლუკაშენკოს ლეგიტიმურობას არ აღიარებს და სვეტლანა ტიხანოვსკაიას მხარდაჭერას უცხადებს

ევროპარლამენტი ალექსანდრ ლუკაშენკოს ლეგიტიმურობას არ აღიარებს, - ამის შესახებ საუბარია ევროპარლამენტის პლენარული სესიის ფარგლებში რეზოლუციის შესაბამის შეთანხმებულ ტექსტში.

17 სექტემბრის სესიაზე დეპუტატებმა მოითხოვეს ევროკავშირისგან, მიიღოს სანქციები ბელარუსისა და რუსეთის იმ მოქალაქეების წინააღმდეგ, რომლებიც ლუკაშენკოს უჭერენ მხარს.

„ეევროპარლამენტი მოუწოდებს ევროკავშირს, მიიღონ ეფექტური სანქციები ყველა იმ ბელარუსის მოქალაქის წინააღმდეგ, რომლებიც დამნაშავე არიან არჩევნების გაყალბებაში, ძალადობასა და რეპრესიებში. ამასთანავე, შეისწავლონ ყველა ის რუსეთის მოქალაქეები, რომლებიც დადანაშაულებულნი არიან ბელარუსის პრეზიდენტის, ალექსანდრ ლუკაშენკოს მხარდაჭერაში“, - წერია რეზოლუციის ტექსტში.

ამასთანავე, ევროპარლამენტი მოუწოდებს მინსკს მარია კოლესნიკოვა და სხვა პოლიტპატიმრები გაათავისუფლოს და სრულ მხარდაჭერას უცხადებს სვეტლანა ტიხანოვსკაიას და საკოორდინაციო საბჭოს.

რეზოლუცია ევროპარლამენტარებმა 574 ხმით 37 წინააღმდეგ მიიღეს, 82 კანონმდებელმა კი თავი შეიკავა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი