რუსთავის მეტალურგიული ქარხანა წარმატებით ახორციელებს წლის დასაწყისში გამოცხადებულ წარმოების გაფართოების 30 მილიონ დოლარიან პროექტს. გუშინ ქარხანამ მიიღო ყველაზე თანამედროვე ტიპის ელექტროფოლადსადნობი ღუმელი და სხვა კომპონენტები. ამჟამად მიმდინარეობს დანადგარების მონტაჟი და ახალი საამქრო წლის ბოლომდე გაეშვება.

წარმოების გაფართოება ძირითადად დაკავშირებულია უნაკერო მილების დამზადებასთან, რომელიც საექსპორტo პროდუქციაა და დამატებით სარგებელს მოუტანს, როგორც კომპანიას, ისე ქვეყანას. რუსთავის მეტალურგიული ქარხანა უკვე წლებია აწარმოებს უნაკერო მილების ექსპორტს ევროპასა და ამერიკაში და ეს ყველაზე მაღალტექნოლოგიური სამრეწველო პროდუქტია, რომელიც ექსპორტზე მასიურად გასულა საქართველოდან.

კომპანიაში განსაკუთრებულ ყურადღებას აქცევენ ენერგოეფექტურობის და გარემოს დაცვით საკითხებს. ამ მხრივ რუსთავის მეტალურგიული ქარხანა წამყვანი კომპანიაა რეგიონში და მისი წარმოება სრულად შეესაბამება ჩვენი ქვეყნის და მსოფლიო სტანდარტებს.

ამჟამად კომპანიაში 1500 თანამშრომელია დასაქმებული,  ახალი ელექტროფოლადსადნობი ღუმელის გაშვების შემდეგ იგეგმება დასაქმებულების რაოდენობის გაზრდა.

ავტორი: ექსპრესნიუსი,

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია