საქართველოს პრემიერ-მინისტრი ირაკლი ღარიბაშვილი ქართულ ბაზარზე არსებული ხუთი მსხვილი ნავთობკომპანიისთვის კონკურენციის შესახებ კანონის დარღვევის გამო, სანქციების დაკისრებას გამოეხმაურა.

როგორც ღარიბაშვილმა მთავრობის სხდომის დაწყებისას განაცხადა, თუკი კომპანიებს რაიმე პრეტენზიები და დავა ექნებათ, პროცესი სასამართლოში გადაინაცვლებს. პრემიერის თქმით, მთავრობა ამ პროცესში არ ერევა.

"კონკურენციის სააგენტომ დაასრულა კვლევა. გუშინ ვიხილეთ პირველი შედეგები, ეს არის აბსოლუტურად გამჭვირვალე პროცესი. არ მინდა, რომ კომპანიები დაიძაბონ, პირიქით, ჩვენ ერთხელ და სამუდამოდ უნდა ხელი შევუწყოთ ჯანსაღი კონკურენციის განვითარებას საქართველოში. ეს არის ჩვენი პირდაპირი ვალდებულება, რომ დავიცვათ ჩვენი მომხმარებლები, კომპანიის ინტერესებიც, მაგრამ უნდა წავახალისოთ ჯანსაღი კონკურენცია. ეს არის ჩვენი ვალდებულება ასოცირების ხელშეკრულებით გათვალისწინებული. ასე რომ, ეს არის გამჭვირვალე პროცესი. თუ კომპანიებს ექნებათ რაიმე პრეტენზიები და დავა, ეს გაგრძელდება სასამართლოში. ამ შემთხვევაში მთავრობა არ ერევა ამ პროცესში, ეს არის კონკურენციის სააგენტოს გადაწყვეტილება",-განაცხადა ირაკლი ღარიბაშვილმა.

ცნობისთვის, ქართულ ბაზარზე არსებულ ხუთ მსხვილ ნავთობკომპანიას კონკურენციის შესახებ კანონის დარღვევის გამო სანქციები დაეკისრება. კონკურენციის სააგენტომ 2014 წლის 12 ნოემბერს დაწყებული საავტომობილო საწვავის (ბენზინი, დიზელი) სასაქონლო ბაზრის მოკვლევა დაასრულა. სააგენტოს ინფორმაციით, „ვისოლს“, „სოკარს“, „რომპეტროლს“, „გალფს“ და „ლუკოილს“ ,,კონკურენციის შესახებ“ საქართველოს კანონის მე-7 მუხლის პირველი ნაწილის ,,ა“, ,,ბ“ და ,,გ“ ქვეპუნქტების დარღვევის გამო ჯამში 55 მილიონამდე ლარის ოდენობით ჯარიმა დაეკისრებათ. ვისოლი - 10,426 393 ლარი, ლუკოილი (4, 740 260), სოკარი (14 381 385), რომპეტროლი (10 885 806) და გალფი (11 267 384).

ამასთან, ჯარიმები დაეკისრა შემდეგ კომპანიებს: შპს „L იოლი“, შპს „ითი აი“ შპს „ბინული 1“. მოკვლევის შედეგებთან დაკავშირებით ანგარიში ინფორმაციის კონფიდენციალობის დაცვით, ანოტაციის სახით, კანონმდებლობით დადგენილ ვადაში (10 დღე) გამოქვეყნდება სააგენტოს ოფიციალურ ვებ-გვერდზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ