აშშ ინანებს, თუ „ბირთვულ შეთანხმებას“ დატოვებს, – ამის შესახებ განცხადება ირანის პრეზიდენტმა, ჰასან რუჰანიმ სატელევიზიო გამოვლისას გააკეთა.

მისი თქმით, თეირანი ტრამპის ნებისმიერ გადაწყვეტილებაზე საპასუხოდ მზადაა.

„ჩვენ გვაქვს მომზადებული გეგმა, რომლითაც ტრამპის ნებისმიერ გადაწყვეტილებას ვუპასუხებთ. თუ აშშ დატოვებს ბირთვულ შეთანხმებას, ის ისე ინანებს, როგორც არასდროს. ეს ისტორიული სინანული იქნება“, – განაცხადა ირანის პრეზიდენტმა.

რუჰანის თქმით, მან უკვე მისცა შესაბამისი მითითებები ირანის ატომურ სააგენტოს, რომელთა შესრულება იმ შემთხვევაში დაიწყება, თუ ვაშინგტონში „ბირთვული შეთანხმების“ დატოვების გადაწყვეტილებას მიიღებს.

მანამდე დონალდ ტრამპმა შეთანხმება მკაცრად გააკრიტიკა და მას „არანორმალური“ უწოდა. 
ირანმა და ექვსმა შუამავალმა ქვეყანამ 2015 წლის 14 ივლისს ისტორიულ შეთანხმებას მიაღწიეს ირანული ატომის მრავალწლიანი პრობლემის დარეგულირების მიმართულებით. ამ შეთანხმების ფარგლებში მიიღეს მოქმედების გეგმა, რომლის საფუძველზეც ირანს აშშ-ის, ევროკავშირის და გაეროს უშიშროების საბჭოს მიერ დადებული ეკონომიკური და ფინანსური სანქციები უნდა მოხსნოდა. ეს გეგმა 2016 წლის 16 იანვრიდან ამოქმედდა.

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ