მეტროსადგურ „ვარკეთილში“  ჭერის კონსტრუქციის ჩამონგრევის საკითხს დღეს საკრებულოს ორი  კომისიის გაერთიანებულ სხდომაზე განიხილავენ. შეხვედრა 18:00  საათზე დაიწყება.

მომხდარ შემთხვევაზე კითხვები აქვს როგორც ოპოზიციას, ისე უმრავლესობას. თუმცა, ოპოზიცია განხილვის ფორმატით უკმაყოფილოა. ისინი რიგგარეშე სხდომის მოწვევასა და დედაქალაქის ყოფილი  და მოქმედი მერის მისვლასაც ითხოვდნენ.

„ვარკეთილის ჭერის ჩამონგრევა არის კატასტროფა. მერიამ ამ კატასტროფის  დაკნინება მოახდინა იმის გამო, რომ ჩამოაქვეითა და რანგით მცირე შეხვედრას გვთავაზობს,   რაც მიუღებელია, ეს იმას ნიშნავს, რომ არ არსებობს პასუხები მერიის მხრიდან“,-განაცხადა საკრებულოს წევრმა ნიკოლოზ ვაჩეიშვილმა.

კრიტიკული შეკითხვები აქვს საკრებულოს ფრაქცია „ ევრუპული საქართველოს“ თავმჯდომარეს გოკა გაბაშვილს:

„რატომ შეიქმნა კომპანია, რომელსაც გამოცდილება არ ჰქონდა და ადრე შავ სიაში იყო, რატომ შეასრულა სამუშაოები, რომელზეც ექსპერტები ამბობენ, რომ არ შეიძკება ასეთი სამუშაეობის შესრულება მეტროსადგურში. ფაციფუცში დაამთავრეს და ვხედავთ შედეგს, ჭერი ჩამოინგრა“,-განაცხად გაბაშვილმა.

თბილისის საკრებულოს თავმჯდომარე ირაკლი ტყემალაძე ფიქრობს, რომ შეხვედრის ეს ფორმატი იძლევა საშუალებას, დეტალურად მიიღონ ინფორმაცია მეტროსადგურში მომხდარ შემთხვევასთან დაკავშირებით. მისივე ინფორმაციით, სხდომას მერის მაოდგილეებიც დაესწრებიან:

„დღეს ჩვენ გვაქვს 2 კომისიის გაერთიანებული სხდომა. ინტერესი დიდია, კითხვები აქვს უმრავლესობის წევრებსაც,. ვფიქრობ,  ეს ფორმატი იძლევა საშუალებას, დეტალურად მივიღოთ ინფორმაცია აღნიშნულ საკითხზე, სხდომას დაესწრებიან ყველა პასუხისმგებელი პირები, შესაბამისად, მერის მოადგილეებიც“,-აღნიშნა ირაკლი ტყემალაძემ.

შეგახსენებთ, მეტროსადგურ „ვარკეთილში“ ჭერის კონსტრუქციის ჩამონგრევის შედეგად 14  ადამიანი დაშავდა, მათ შორის ერთი პოლიციელი. მათი უმრავლესობა სამკურნალო დაწესებულებიდან სახლში უკვე გაწერეს.

ავტორი: ,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო