კობახიძე: 2012 წლის შემდეგ ადმინისტრაციული რესურსების გამოყენება სამუდამოდ დასრულდა

2017-10-19 17:19:01, 1740 ნახვა

კომენტარი

საქართველოს პარლამენტის თავმჯდომარის ირაკლი კობახიძის განცხადებით, ადმინისტრაციული რესურსების გამოყენების ფაქტები არ არსებობს.

როგორც კობახიძემ ჟურნალისტებს განუცხადა, იყო ინდივიდუალური შემთხვევები, თუმცა შესაბამისმა უწყებებმა დროული რეაგირება მოახდინეს.

"დამთავრდა საქართველოში ერთხელ და სამუდამოდ ის დრო როდესაც იყო ერთმანეთთან შერწყმული ადმინისტრაციული და პარტიული რესურსი. ეს არის "ქართული ოცნების" ხელისუფლების ერთ-ერთი უმთავრესი მიღწევა. ეს ძალიან კარგად ჩანს ამ არჩევნების მაგალითზეც. არ ხდება ადმინისტრაციული რესურსის გამოყენება. იყო ინდივიდუალური შემთხვევები, რაზეც ჰქონდა რეაგირება შესაბამის უწყებებს, თუმცა რაც შეეხება ადმინისტრაციული რესურსების სისტემურ გამოყენებას ეს პრაქტიკა არის ერთხელ და სამუდამოდ დასრულებული ჩვენ ქვეყანაში 2012 წლის შემდეგ", - განაცხადა კობახიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები