დორტმუნდში საფეხბურთო კლუბ „ბორუსიას“ ავტობუსთან, აფეთქების ადგილზე წერილობითი შეტყობინება აღმოაჩინეს, რომლის ავტორებიც მომხდარზე პასუხისმგებლობას იღებენ, - ამის შესახებ BBC იუწყება.

მედია საშუალების ცნობით, ქვეყნის პროკურატურა შეტყობინების შინაარსს არ ასაჯაროებს. 

თუმცა, გერმანული გამოცემის Sueddeutsche Zeitung-ის ინფორმაციით, ნაპოვნი წერილი იწყება ფრაზით: " ალაჰის სახელით". წერილში ასევე ნახსენებია, ბერლინში გასული წლის დეკემბერს საშობაო ბაზრობაზე მომხდარი ტერაქტი და ის ფაქტიც, რომ გერმანული სამხედრო თვითმფრინავები სირიაში „ისლამური სახელმწიფოს“ მუსლიმების მკვლელობაში მონაწილეობენ. 

აფეთქების ადგილზე ნაპოვნ წერილში აღნიშნულია, რომ „ აწი სპორტსმენები და სხვა ცნობილი ადამიანები გერმანიაში და სხვა ჯვაროსნულ ქვეყნებში ISIS-ის სალიკვიდაციო სიაში იქნებიან“. 

შეგახსენებთ, რომ გუშინ დორტმუნდში საფეხბურთო კლუბ  „ბორუსიას" ავტობუსის წინ მცირე სიმძლავრის 3 ასაფეთქებელი მოწყობილობა ამოქმედდა.  კლუბის მიერ გავრცელებული ინფორმაციით, დაშავებულია ესპანელი ფეხბურთელი მარკ ბარტრა. გავრცელებული ინფორმაციით სამიზნე სწორედ გუნდი იყო. 

ცნობისთვის, ჩემპიონთა ლიგის მეოთხედფინალში  დორტმუნდის „ბორუსია" ფრანგულ „მონაკოს"  სახლში უნდა დაპირისპირებოდა, თუმცა, უეფას გადაწყვეტილებით, თამაში, აფეთქების გამო, დღეისთვის გადაიდო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა

ქვრივიშვილი ჩინეთთან საქართველოს მჭიდრო სავაჭრო ურთიერთობებს ადიდებს

ქუთაისში, ჭავჭავაძის გამზირზე სავაჭრო ჯიხურები დაიწვა

ირანმა კვლავ შეუტია ქუვეითსა და საუდის არაბეთს