ეს არის უპრეცედენტო, ისტორიული გადაწყვეტილება, - ასე აფასებს "რუსთავი 2"-ის იურისტი თამთა მურადაშვილი ევროსასამართლოს დღევანდელ გადაწყვეტილებას.

მისი თქმით, ამ გადაწყვეტილების შესრულება საქართველოს ხელისუფლებისთვის არის სავალდებულო და შეუსრულებლობის შემთხვევაში ადამიანის უფლებათა კონვენცია დაირღვევა.

„სტრასბურგის სასამართლოს დღევანდელი გადაწყვეტილებით, სასამართლომ დააკმაყოფილა რუსთავი2-ის და მისი დამფუძნებლების სარჩელის უზრუნველყოფის ღონისძიების თაობაზე და მოუწოდა საქართველოს მთავრობას, შეაჩეროს საქართველოს უზენაესის სასამართლოს 2017 წლის 2 მარტის გადაწყვეტილება და ხელისუფლებამ თავი უნდა შეიკავოს ტელეკომპანიის სარედაქციო პოლიტიკაში ჩარევისგან ნებისმიერი ფორმით. ეს დროებითი ღონისძიება მოქმედებს 8 მარტამდე. სტრასბურგი ამახვილებს ყურადღებას, რომ საქართველო ვალდებულია, შეასრულოს ეს გადაწყვეტილება, წინააღმდეგ შემთხვევაში დაარღვევს, ადამიანის უფლებათა კონვენციის 34-ე მუხლს", - განაცხადა თამთა მურადაშვილმა.

შეგახენებთ, ევროსასამართლომ უზენაესი სასამართლოს გადაწყვეტილების აღსრულება შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო