ე.წ. მატროსოვის ციხეში დეკანოზ გიორგი მამალაძის დაკითხვის პროცესი ჩაიშალა.

როგორც მამალაძის ადვოკატმა გიორგი ფანცულაიამ #9-ე პენტიენციურ დაწესებულებასთან ჟურნალისტებს განუცხადა, დაკითხვის ჩაშლის მიზეზი დეკანოზის ჯანმრთელობის მდგომაროება გახდა.

„ადამიანს აქვს 35.4 სიცხე, აქვს ციება, ღებინება, რომელიც დაფიქსირებულია, აქვს დაბალი არტერიული წნევა და არის ცუდად. ამ დროს ექიმი ოთარ ტრაპაიძე ამბობს, რომ მისი ჯანმრთელობის მდგომარეობა არ მოითხოვს აუცილებლობას, რომ გადაიდოს. ეს არის აბსურდი თავიდან ბოლომდე“, - აღნიშნა, ადვოკატმა.

აღნიშნულს არ ეთანხმება პროკურორი ჯარჯი წიკლაური. მისი განცხადებით, როგორც კი ბრალდებულს კრიტიკული კითხვები დაუსვეს, მან დაკითხვაზე და გამომძიებლებთან შეხვედრაზე უარი განაცხადა.

ამასთან, დეკანოზის ადვოკატების ინფორმაციით, ექიმმა დაცვის მხარეს უთხრა, რომ მამა გიორგი ჯანმრთელობის მდგომარეობისთვის უმჯობესი იყო, დაკითხვა გადაედოთ, პროკურატურას კი, საპირისპირო ინფორმაცია მიაწოდა, რომ ჯანმრთელობის მდგომარეობა დამაკმაყოფილებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა