„ერთიანი ნაციონალური მოძრაობის“ დეპუტატ თინა ბოკუჩავას განცხადებით, მოსმენებთან დაკავშირებით უმრავლესობის მიერ შემოთავაზებული კანონპროექტი, სუს-ის გაგრძელებაა და უბრალოდ შეფუთულია სააგენტოს ფორმით.

ბოკუჩავას შეფასებით, აუცილებელია სააგენტოზე არსებობდეს ზედამხედველობის ფუნქცია.

„აუცილებელია სააგენტოზე არსებობდეს ზედამხედველობის ფუნქცია. გთავაზობთ შეიქმნას დამოუკიდებელი სააგენტო, რომელიც პარლამენტის წინაშე იქნება ანგარიშვალდებული და სადაც ორგასაღებიანი სისტემაა. ერთი გასაღები დამოუკიდებელი სააგენტოს ხელშია, მეორე კი სასამართლოსი.  ვფიქრობ, ასე ჯანსაღი სისტემა შეიქმნება, რომელიც  მოქალაქეების უფლებებს და ქვეყნის უსაფრთხოებას დაიცავს. ნაცვლად იმ ერთგასაღებიანი სისტემისა, რომელზეც დღეს უმრავლესობა საუბრობს.

თუ კანონპროექტის შეცვლაზე მსჯელობა არ იქნება, მაშინ ნდობის ჯგუფს უნდა მივცეთ შესაძლებლობა განახორციელოს სააგენტოზე ზედამხედველობა.

საკონსტიტუციო სასამართლომ მოითხოვა ისეთი უწყების შექმნა, რომელიც აღჭურვილია დამოუკიდებლობის მყარი და საკმარისი გარანტიებით, არ აქვს გამოძიების ფუნქცია და პროფესიულად დაინტერებული მოპოვებული ინფორმაციის გაცნობით და რომლის საქმიანობაზეც დაწესებულია კონტროლის ეფექტური მექანიზმები.

საკონსტიტუციო სასამართლოს არც ერთ დაკვეთას უმრავლესობის მიერ წარმოდგენილი საკანონმდებლო ინიციატივა, არ ასრულებს“,-აღნიშნა ბოკუჩავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა