|
2016-03-27 10:57:02, 576 ნახვა
საზოგადოება
თავდაცვის მინისტრი სურბ გევორქში საზეიმო ლიტურგიას დაესწრო
საქართველოს თავდაცვის მინისტრმა სომხური სამოციქულო ეკლესიის მრევლს აღდგომის ბრწყინვალე დღესასწაული მიულოცა. თინათინ ხიდაშელი თბილისში, შარდენის ქუჩაზე მდებარე სომეხთა სამოციქულო მართლმადიდებლური წმინდა ეკლესიის საქართველოს ეპარქიის საკათედრო ტაძარ სურბ გევორქში საზეიმო ლიტურგიას დაესწრო. „დღევანდელი დღე, აღდგომა, პირველ რიგში, მინდა მივულოცო ჩვენს სამხედრო მოსამსახურეებს. მინდა, ბედნიერი წელი ვუსურვო, ძალიან მნიშვნელოვანია ყოველი ჩვენგანისთვის და განსაკუთრებით ჩემთვის, როგორც თავდაცვის მინისტრისთვის, რომ საქართველოს სამხედრო ძალების ყველა სამხედრო მოსამსახურე, ყველა ჯარისკაცი გრძნობდეს თავს ამ შეიარაღებული ძალების ნაწილად. ჩვენი უმთავრესი ამოცანაა, საქმით, ყოველდღიური ცხოვრებით ვაჩვენოთ ის ტოლერანტობა, რომლის შესახებაც წიგნებში წაგვიკითხავს, ის სიყვარული ერთმანეთის მიმართ, რომელიც ისტორიის გაკვეთილებით გვისწავლია. კიდევ ერთხელ ვულოცავ ყველას, სამხედროებთან ერთად, ბუნებრივია, ვულოცავ საქართველოში მცხოვრებ სომხებს, და ბედნიერ აღდგომას ვუსურვებ“, - განაცხადა თავდაცვის მინისტრმა. არქიმანდრიტმა ხორენ ჰოვანესიანმა თინათინ ხიდაშელს სტუმრობისა და მილოცვისთვის მადლობა გადაუხადა. საზეიმო ლიტურგიაზე ტაძარში თავდაცვის მინისტრთან ერთად მინისტრის მოადგილე ბესიკ ლოლაძე, საქართველოს შეიარაღებული ძალების გენერალური შტაბის უფროსის მოადგილე, პოლკოვნიკი ნიკოლოზ აგლაძე, სპეციალური ოპერაციების ძალების მეთაური, პოლკოვნიკი დიმიტრი კიკნაძე და თავდაცვის უწყების სხვა წარმომადგენლები იმყოფებოდნენ.
The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის
საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს
პუტინმა უგულებელყო ტუაფსეში მომხდარი „დიდი ეკოლოგიური კატასტროფა“
ჯუანშერ ბურჭულაძეს 10-წლიანი პატიმრობა მიესაჯა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)