გუშინ კიდევ ერთხელ დავინახეთ, რომ ქვეყანა სერიოზულ ჩიხშია - სალომე ზურაბიშვილმა ჩიხიდან გამოსავალი „წინააღმდეგობის პლატფორმის“ სახელით თქვა, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ჟურნალისტებთან განაცხადა.

მისი თქმით, „ქართული ოცნება“ პასუხისმგებელია იმ ჩიხსა და კრიზისზე, რაც დღეს ქვეყანაშია“.

„გუშინ კიდევ ერთხელ დავინახეთ, რომ ქვეყანა სერიოზულ ჩიხშია. სალომე ზურაბიშვილმა ჩიხიდან გამოსავალი „წინააღმდეგობის პლატფორმის“ სახელით თქვა. ეს არის ახალი წესებით ჩატარებული საპარლამენტო არჩევნები ან საპარლამენტო არჩევნებთან ერთად თვითმმართველობის არჩევნები და არა პირიქით. ის, რაც 4 ოქტომბერს იგეგმება, ეს არჩევნები არ არის და მე სრულად ვიზიარებ ამ წინადადებას. საპირისპიროდ არაფერი მომისმენია „ქართული ოცნების“ ივანიშვილი -კობახიძის დაჯგუფებისგან, რომ რამეს სთავაზობს საზოგადოებას. ქართველი ხალხის უპრეცედენტო მხარდაჭერა და ევროპის სამი მძლავრი სახელმწიფოს ლიდერი - პოლონეთის პრემიერ-მინისტრი, გერმანიის კანცლერი და საფრანგეთის პრეზიდენტი პირდაპირ და მკაფიოდ ამბობენ, რომ იმისთვის, საქართველომ ევროინტეგრაციის გზა გააგრძელოს, „ქართულმა ოცნებამ“ უარი უნდა თქვას ამ ანტიდემოკრატიულ ქმედებებზე და ჩიხიდან უნდა გამოვიდეთ. ჩიხიდან და კრიზისიდან, რომელიც ივანიშვილი-კობახიძის დაჯგუფებამ შექმნა, სალომე ზურაბიშვილმა ამაზე ძალიან მკაფიო წინადადება წარადგინა. მე ალტერნატივა არ მომისმენია „ქართული ოცნების“ მხრიდან. გეგმა უნდა დადოს იმან, ვინც ეს კრიზისი გამოიწვია. „ქართული ოცნება“ პასუხისმგებელია იმ ჩიხსა და კრიზისზე, რაც დღეს ქვეყანაში ხდება“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს