ევროპარლამენტარი რასა იუკნევიჩიენე რუსთაველზე მიმდინარე საპროტესტო აქციაზე სიტყვით გამოვიდა. იუკნევიჩიენემ  დასძინა, რომ ივანიშვილის მმართველობის დასრულება გარდაუვალია.

"ძვირფასო ქართველებო, თქვენს წინ დგომა დიდი პატივია. თქვენ გასაოცარი ხართ, თქვენ ჩემი, ევროპაში ბევრი ადამიანის გმირები ხართ. ჩემი ბევრი ევროპარლამენტი კოლეგის მილოცვა ჩამომაქვს თქვენთან. თქვენ ევროკავშირში ბევრი მეგობარი გყავთ ყველა ქვეყნიდან.

ლიეტუველებიც მსგავსად, ქართველებსაც ესმით თავისუფლების ფასით. საქართველოვ, თქვენი და ჩვენი ბრძოლა საერთოა, ეს ევროპისთვის ბრძოლაა - იმავე კოლონიური რუსული იმპერიის წინააღმდეგ, რომელიც საუკუნეების წინ არსებობდა. ყველა დიქტატორს საკუთარი ხალხის ეშინია. 1 ადამიანს ასევე ძალიან ეშინია. მას დებიძინიზაციის ეშინია. მაგრამ ეს გარდაუვალია, ეს რეჟიმი და საქართველოს ევროპული მომავალი ერთმანეთთან შეუთავსებელია.

მივმართავ ბიძინას, ნუ გეშინია ახალი და სამართლიანი არჩევნების. მიეცი ქართველ ხალხს უფლება თქვან, რაც სურთ. დიქტატორებმა რა ტყუილებიც არ უნდა გაავრცელონ, ჩვენ თქვენს გვერდით ვიქნებით", - თქვა მან.

ევროპარლამენტარმა სოლიდარობა გამოხატა რეჟიმის მიერ უკანონოდ დაკავებული პოლიტპატიმრების მიმართ.

"მივმართავ ბიძინას, ნუ გეშინია ახალი და სამართლიანი არჩევნების. მიეცი ქართველ ხალხს უფლება თქვან, რაც სურთ. დიქტატორებმა რა ტყუილებიც არ უნდა გაავრცელონ, ჩვენ თქვენს გვერდით ვიქნებით.

მე სოლიდარობას გამოვხატავ ევროპული მომავლისთვის დაკავებულების მიმართ. სოლიდარობა მზია ამაღლობელს, ზურაბ ჯაფარიძეს, მიხეილ სააკაშვილს და კიდევ ბევრ სხვას.

მინდა ასევე გამოვხატო ჩემი მხარდაჭერა მამაცი უკრაინის მიმართ. დიდება უკრაინას!

მე გაერთიანებული და დემოკრატიული ევროპის მჯერა. მე მჯერა მამაც ქართველ ხალხში. ღმერთმა დალოცოს საქართველოს!", - თქვა იუკნევიჩიენემ სიტყვით გამოსვლისას.

 

ავტორი: ექსპრესნიუსი,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა