2025-02-04 10:50:55, 412 ნახვა
მსოფლიო
აშშ-ის ვიცე-პრეზიდენტი პირველი ვიზიტით საფრანგეთსა და გერმანიაში ჩავა
აშშ-ის ვიცე-პრეზიდენტი ჯეი დი ვენსი თანამდებობის დაკავების შემდეგ ევროპაში პირველი ვიზიტით საფრანგეთსა და გერმანიაში ჩავა, – ამის შესახებ გამოცემა „ჰილი“ წერს.
როგორც გამოცემა აღნიშნავს, ჯეი დი ვენსი 10-11 თებერვალს პარიზში, ხელოვნური ინტელექტის სამიტში მიიღებს მონაწილეობას. შემდეგ, 14-16 თებერვალს გერმანიაში გაემგზავრება, სადაც მიუნხენის უსაფრთხოების კონფერენციას დაესწრება. კონფერენცია ფოკუსირებულია გლობალური უსაფრთხოების გამოწვევებზე, მათ შორის კლიმატის უსაფრთხოების საკითხებზე.
აღსანიშნავია, რომ გასულ წელს გერმანიაში აღნიშნულ ღონისძიებას აშშ-ის ყოფილი ვიცე-პრეზიდენტი კამალა ჰარისი ესწრებოდა.
ავტორი: ექსპრესნიუსი,
epn.ge (@expressnews.ge)
