2025-01-20 13:26:23, 342 ნახვა
სერბეთში მოხუცთა სახლში, განზრახ გაჩენილ ხანძარს 8 ადამიანი ემსხვერპლა
20 იანვარს, სერბეთის დედაქალაქ ბელგრადის მახლობლად მდებარე მოხუცთა სახლში ხანძარი გაჩნდა, რომლის შედეგადაც 8 ადამიანი გარდაიცვალა, ხოლო 7 დაშავდა.
Reuters-ის მიხედვით, პროკურატურა იუწყება, რომ ხანძარი სავარაუდოდ შიგნიდან, ერთ-ერთმა მაცხოვრებელმა განზრახ გააჩინა. სავარაუდო დამნაშავე ხანძრის შედეგად გარდაიცვალა.
ასევე, გამოცემა იუწყება, რომ ხანძარი 20 იანვრის გამთენიისას, დაახლოებით 03:30-ზე გაჩნდა, როდესაც მოხუცთა სახლში 30 პირი იმყოფებოდა.
ავტორი: ექსპრესნიუსი,
epn.ge (@expressnews.ge)
