ევროკავშირის საბჭომ გადაწყვიტა, ბელარუსში 28 ადამიანის მიმართ, "შიდა რეპრესიებსა და ადამიანის უფლებების დარღვევის გამო", სანქციები დააწესოს. ამის შესახებ ევროკავშირის საბჭოს განცხადებაშია აღნიშნული.

განცხადების თანახმად, სანქციები ქვეყნის შინაგან საქმეთა სამინისტროს ორგანიზებულ დანაშაულთან და კორუფციასთან ბრძოლის მთავარი სამმართველოს (ГУБЭПиК) უფროსის ორ მოადგილეს, პენიტენციური სამსახურის წარმომადგენლებსა და წინასწარი დაკავების იზოლატორების ხელმძღანელებს შეეხო.

ასევე შეზღუდვები გავრცელდება სასამართლო ხელისუფლების სხვადასხვა წევრებზე, კერძოდ, პროკურორებსა და მოსამართლეებზე, რომლებმაც "პოლიტიკურად მოტივირებული განაჩენი გამოიტანეს, მათ შორის იმ მოქალაქეების მიმართ, რომლებიც აპროტესტებდნენ 2020 წლის გაყალბებულ საპრეზიდენტო არჩევნებს, ან რომლებიც უბრალოდ გამოხატავდნენ თავიანთ მოსაზრებებს ლუკაშენკას რეჟიმის წინააღმდეგ".

"რეჟიმის ეს პროპაგანდისტები ბელარუსის საზოგადოებას შეგნებულად აწვდიდნენ ცრუ ინფორმაციას რეპრესიების შესახებ, ავრცელებდნენ დეზინფორმაციას როგორც ბელარუსის, ისე რუსეთის ხელისუფლების მიერ წარმოებულს და ხელი შეუწყვეს სიძულვილის გაღვივებას დემოკრატიული ოპოზიციისა და სამოქალაქო საზოგადოების მიმართ",- აცხადებენ ევროკავშირის საბჭოში.

ავტორი: ექსპრესნიუსი,

სოციალური ქსელები

ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ

შანხაი-თბილისის მიმართულებით პირდაპირი ფრენები იწყება

ნატო უარყოფს ესპანეთის წევრობის შეჩერებას აშშ-ის მუქარის შემდეგ

რუსმა მდიდარმა პირებმა ახალ ზელანდიაში ბუნკერების ყიდვა დაიწყეს