მარნეულში 4 წლის ბავშვს თავში, სავარაუდოდ, კისტის თოფის ტყვია მოხვდა. ამის შესახებ ინფორმაციას რადიო "მარნეული" ექიმზე დაყრდნობით ავრცელებს.

მედიასაშუალების ცნობით, ბავშვი თბილისში, ინგოროყვას კლინიკაში გადაიყვანეს, თუმცა მანამდე, 1-ელ აგვისტოს მოზარდი მარნეულის "ჯეო ჰოსპიტალსში" იყო შეყვანილი.

"ძალიან სერიოზული ტრავმაა თოფით მიყენებული. რეალურად, ეს ტყვია შევიდა უკანა კეფის მხრიდან, გაიარა მნიშვნელოვანი გზა და დააზიანა შუა ტვინის სტრუქტურები. იმ ადგილას არის ეს ტყვია გაჩერებული, საედანაც მისი ამოღება პრექტიკულად შეუძლებელია. ამ ეტაპზე ბავშვი მართვით სუნთქვაზეა. ძალიან რთული პაციენტია პროგნოზულადაც და ამჟამად სამართავადაც“,- უთხრა ინგოროყვას კლინიკის პედიატრიული განყოფილების ხელმძღვანელმა, გია ბიბილეიშვილმა რადიო "მარნეულს". 

როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება საქართველოს სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

ავტორი: ექსპრესნიუსი,

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა