მიუნხენის უსაფრთხოების კონფერენციის ფარგლებში საქართველოს საგარეო საქმეთა მინისტრის, მიხეილ ჯანელიძისა და ირანის ისლამური რესპუბლიკის საგარეო საქმეთა მინისტრის, მოჰამედ ჯავად ზარიფის შეხვედრა გაიმართა.

საგარეო უწყების ინფორმაციით, შეხვედრაზე ხაზი გაესვა ორ ქვეყანას შორის არსებულ ისტორიულ-კულტურულ კავშირებს და კეთილმეზობლურ ურთიერთობებს. დაფიქსირდა მხარეთა მზადყოფნა ორმხრივი ურთიერთობების შემდგომი გაღრმავებისთვის.  ამ კონტექსტში, ხაზი გაესვა 2016 წლის 16 იანვრიდან ერთობლივ მოქმედებათა ყოვლისმომცველი გეგმის (JCPOA) განხორციელების დაწყებას და ირანისთვის საერთაშორისო სანქციების მოხსნის მნიშვნელობას, რაც წარმოშობს ახალ შესაძლებლობებს  ურთიერთობების  შემდგომი განვითარებისთვის. შეხვედრის მსვლელობისას განხილულ იქნა თანამშრომლობის გაღრმავების ისეთი მიმართულებები, როგორიცაა ტურიზმი, სოფლის მეურნეობა და ტრანსპორტი. ხაზი გაესვა საქართველოს სატრანზიტო პოტენციალის მნიშვნელობას და ქვეყნის მიერ ამ მიმართულების განვითარების მიზნით გადასადგმელ ნაბიჯებს.

ამასთან, საგარეო უწყების ინფორმაციით, ირანის მხარემ საქართველოს პრემიერ-მინისტრი ოფიციალური ვიზიტით ირანში მიიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯუანშერ ბურჭულაძეს 10-წლიანი პატიმრობა მიესაჯა

გახარიას პარტია: პატარიძე კანდიდატად კონსტიტუციის აშკარა და უხეში დარღვევით წარადგინეს

ტუაფსეში ცეცხლმოკიდებული ნავთობტერმინალიდან ტოქსიკურმა ღრუბელმა ანაპამდე მიაღწია

თავისუფლების მოედანი EU-ის ელჩზე: დემოკრატიის დაცვა პარტნიორობაა და არა ჩარევა