2023-03-07 15:10:15, 1810 ნახვა
პოლიტიკა
პარლამენტმა ომბუდსმენის თანამდებობაზე ლევან იოსელიანი აირჩია
საქართველოს პარლამენტმა სახალხო დამცველის თანამდებობაზე ლევან იოსელიანი აირჩია. პლენარულ სხდომაზე კენჭისყრა რამდენიმე წუთის წინ გაიმართა.
კენჭისყრის შედეგების მიხედვით, იოსელიანს მხარი 96-მა დეპუტატმა დაუჭირა, წინააღმდეგ არავინ წასულა.
კანონმდებლებმა სახალხო დამცველი 6 წლის ვადით აირჩიეს.
ცნობისთვის, საქართველოს სახალხო დამცველის თანამდებობაზე ასარჩევად ლევან იოსელიანის კანდიდატურა საპარლამენტო პოლიტიკურმა ჯგუფმა „მოქალაქეებმა" წარადგინა.
იოსელიანს 6 მარტს, ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე მოუსმინეს.
ავტორი: ექსპრესნიუსი,
epn.ge (@expressnews.ge)
