საშინელი ტკივილია, ჩვენ არასოდეს დავივიწყებთ და არასოდეს ვაპატიებთ,- ასე გამოეხმაურა უკრაინის პირველი ლედი, ოლენა ზელენსკა ზაპოროჟიეს რაიონის, ვოლნიანსკის სამშობიაროზე რუსული სარაკეტო თავდასხმის დროს ახალშობილის გარდაცვალებას.

მისი თქმით, რუსეთის ფედერაციის დანაშაულები სიგიჟეა, რომელსაც 2 დღის ბიჭის სიცოცხლე შეეწირა.

„რუსეთის ფედერაციის დანაშაულები სიგიჟეა. ამ ღამით სამიზნე ზაპოროჟიეს რეგიონის სამშობიარო საავადმყოფო გახდა. 2 დღის ბიჭი გარდაიცვალა...

საშინელი ტკივილია. ჩვენ არასოდეს დავივიწყებთ და არასოდეს ვაპატიებთ.

გულწრფელ სამძიმარს ვუცხადებ ბავშვის ახლობლებს. საჭიროა დაშავებულების სწრაფი დახმარება. ჩვენი გული შენთანაა“,- წერს ზელენსკა.

შეგახსენებთ, რომ რუსმა ოკუპანტებმა ღამით ზაპოროჟიეს სამშობიარო განყოფილება დაბომბეს, რასაც ჩვილის სიცოცხლე ემსხვერპლა.

არსებული ცნობებით, განყოფილებაში ასევე იმყოფებოდნენ ახალშობილის დედა და ექიმი, რომელთა შენობიდან გამოყვანაც უვნებლად მოხდა.

ავტორი: ექსპრესნიუსი,

სოციალური ქსელები

ComCom-მა TV პირველი მიუკერძოებლობის პრინციპების დარღვევისთვის 5 000 ლარით დააჯარიმა

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა

საქართველოში გერმანიის ახალ ელჩად ბარაბარა ფოსი დაინიშნა

პარტია ლელო : კობახიძის სიტყვები აფხაზეთში საწვავის მიწოდებასთან დაკავშირებით საკმარისი არ არის