„რამდენიმე კვირის წინ საქართველოს პრემიერ-მინისტრმა  დააანონსა  მხარდაჭერის ახალი სქემა ენერგეტიკაში, თუ როგორ შეიძლება მოვიზიდოთ ინვესტიციები და ხელი შევუწყოთ განახლებადი ენერგიების განვითარებას საქართველოში. დღეს შევხვდით სწორედ პოტენციურ ინვესტორებს, ასევე დეველოპერებს, რომლებსაც უკვე გააჩნიათ პროექტები განვითარების გარკვეულ ეტაპზე და ავუხსენით, თუ რა სარგებელი შეიძლება ნახონ ამ ახალი მხარდაჭერის სქემით და როგორ მუშაობს ეს სქემა" - ამის შესახებ  ეკონომიკის მინისტრის მოადგილემ, რომეო მიქაუტაძემ განახლებადი ენერგიების მხარდაჭერის ახალი სქემის პრეზენტაციის დასრულების შემდეგ მედიის წარმომადგენლებთან განაცხადა.

მინისტრის მოადგილის განმარტებით, მხარდაჭერის ახალი სქემა შეეხებათ მხოლოდ იმ ენერგეტიკულ პროექტებს, რომლებიც ვერ ვითარდებიან და ამისთვის დამატებითი სტიმული ესაჭიროებათ და არ შეეხებათ იმ დეველოპერებს, რომლებიც უკვე აშენებენ ჰიდროსადგურს ან ნებისმიერ სხვა ენერგოობიექტს.

„სახელმწიფო 15 წლის განმავლობაში იღებს ვალდებულებას, რომ აუქციონში გამარჯვებულ ფასად შეისყიდოს ელექტროენერგია გარანტირებულად. რაც შეეხება აუქციონის პირობებს, წესებს, თუ როგორ მოხდება შერჩევა და რა  კრიტერიუმებით, ამ ყველაფერზე არის დღევანდელი შეხვედრა, რომ ყველა კითხვას გაეცეს პასუხი და ბიზნესსექტორი მოემზადოს  ახალი წამოწყებისთვის" - აღნიშნა რომეო მიქაუტაძემ.

ავტორი: NS (სტატია დაფინანსებულია),

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს