საქართველოში ნატოს სასწავლო-საწვრთნელი ცენტრის  შექმნა,  ეს მის მიერ გადადგმული პროვოკაციური ნაბიჯია, რადგან ნატო-ს მსგავსი ცენტრის არსებობის აუცილებლობა არ გააჩნია“,-ამის შესახებ ნატო-ში რუსეთის ფედერაციის წარმომადგენელმა  ალექსანდრ გრუშკომ განაცხადა.
მისი თქმით,საქართველოში ცენტრის შექმნა, შავი ზღვის რეგიონის უსაფრთხოებას საფრთხის ქვეშ დააყენებს.
 „ნატოს სასწავლო-საწვრთნელი ცენტრის შექმნა საქართველოში-ეს ის ნაბიჯია, რომელიც არ შეიძლება შეფასდეს სხვაგვარად, თუ არა პროვოკაცია, რადგან  ნატო-ს რაიმე ცენტრების შექმნის საჭიროება არ გააჩნია.  ჩვენ, რა თქმა უნდა გავარკვევთ, თუ რას ისახავს ცენტრის არსებობა მიზნად,  მაგრამ საქართველოში ნატოს ჯარების გამოჩენა,  ეს შავი ზღვის რეგიონულ უსაფრთხოებას  საფრთხის ქვეშ დააყენებს და დაძაბულ ვითარებას კიდევ გააძლიერებს“,-განაცხადა ალექსანდრ გრუშენკომ.
შეგახსენებთ, რომ საქართველოში ნატო-ს სასწავლო-საწვრთნელი ცენტრის  გახსნა 2014  წლის უელსის სამიტზე შეთანხმებული არსებითი პაკეტის ფარგლებში იგეგმება.
როგორც გუშინ ნატო-საქართველოს კომისიის შეხვედრის შემდეგ ბრიუსელში ნატოს გენერალურმა მდივანმა იენს სტოლტენბერგმა  განაცხადა, ამგვარი სასწავლო-საწვრთნელი ცენტრის ჩამოყალიბება ძალიან მნიშვნელოვანია, როგორც საქართველოსთვის, ისე პარტნიორი ქვეყნებისთვისაც, რომლებიც საკუთარ სამხედროებს საქართველოში არსებულ ახალ ცენტრში  მოამზადებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზოვის ზღვაში დრონის თავდასხმის შედეგად ხუთი აზერბაიჯანელი მეზღვაური დაიღუპა

კოლებში მობილურების გამოყენების წესი დამტკიცდა

ლავროვი: საქართველოს ხელმძღვანელობას ევროკავშირში გაწევრიანების უარყოფითი მხარეები ესმის

„თეგეტა მოტორსი“ კამპანია „გაიარე მეტის“ ფარგლებში ავტო და მოტოპროექტების მხარდამჭერია