„ახალი საქართველოს“ ლიდერის, გიორგი ვაშაძის განცხადებით, აშშ-ის კონგრესის მიერ დაწესებული სანქციები საქართველოსთვის საშინელი განაჩენია.

როგორც მან პარტიის ოფისში გამართულ ბრიფინგზე განაცხადა, აშშ-ის მხარდაჭერის დაკარგვა საქართველოსთვის ნიშნავს მუდმივ ჩახრჩობას სიღარიბის ჭაობში, დემოკრატიის განვითარების ხელყოფას და ისეთივე ავტორიტარული რეჟიმის დამკვიდრებას საქართველოში, როგორიც რუსეთის ფედერაციაშია.

„დღეს გამთენიას, საქართველოს დამოუკიდებლობის ისტორიაში პირველად აშშ-ის კონგრესის წარმომადგენელთა პალატის საბიუჯეტო კომიტეტმა პირველი სანქციები დაადო საქართველოს. ჩვენ „ქართული ოცნების“ მავნებლური რეჟიმის მავნებლური ქმედებებიდან გამომდინარე 15%-ით შეგვიმცირდება ამერიკის შეერთებული შტატებისგან დახმარება. ხაზს ვუსვამ, ეს აღარ არის უკვე საგანგებო განცხადება, ეს არ არის გაფრთხილება, ეს არის კონკრეტული სანქციები, რომელიც დაედო საქართველოს და მის თითოეულ მოქალაქეს. სამი მთავრი ასპექტი, რის გამოც საქართველოს სანქციები დაედო არის: პირველი - დემოკრატია, დემოკრატიის ხელყოფა, კანონის უზენაესობა, სასამართლო, არჩევნები და ა.შ. მეორე - საქართველოში გამეფებული ტოტალური კორუფცია, განსაკუთრებით ზედა ეშელონებში და მესამე - ინვესტიციების და ბიზნესის ხელშეშლა ქვეყანაში. საქართველოში აღარ შემოდის ინვესტიცია თუ ეს არ არის შეთანხმებული ივანიშვილის და „ქართული ოცნების“ რეჟიმთან.

ეს სანქციები არის საშინელი განაჩენი ჩვენი ქვეყნისთვის. სწორედ ამიტომ, 31 ოქტომბერი არის გადამწყვეტი. ჩვენ უნდა გავაგრძელოთ სწორი მიმართულებით განვითარება. „ქართული ოცნება“ და ივანიშვილი ეს არის რეჟიმი, რომელმაც ფაქტობრივად განადგურების ზღვარზე მიიყვანა სახელმწიფო ინტერესები. აშშ-ის მხარდაჭერის დაკარგვა საქართველოსთვის ნიშნავს მუდმივ ჩახრჩობას სიღარიბის ჭაობში, დემოკრატიის განვითარების ხელყოფას და ისეთივე ავტორიტარული რეჟიმის დამკვიდრებას საქართველოში, როგორიც რუსეთის ფედერაციაშია“, - განაცხადა გიორგი ვაშაძემ.

ცნობისთვის, აშშ-ს კონგრესის რეკომენდაციით სანქციები გაიცა, რომელიც საქართველოსთვის დახმარების 15%-ით შემცირებას ითვალისწინებს.

ავტორი: ექსპრესნიუსი,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა