„აქ არავითარი პრობლემა არ არსებობს, პრობლემაა რუსეთის საზღვრებთან ჩრდილოატლანტიკური ალიანსის ძალების გაფართოება“, - ასე გამოეხმაურა რუსეთის ფედერაციის პრეზიდენტის პრესმდივანი დიმიტრი პესკოვი ამერიკის შეერთებული შტატების ვიცე-პრეზიდენტის მაიკ პენსის  ესტონეთსა და საქართველოში ვიზიტს.

ამერიკის შეერთებულ შტატებში საქართველოს ელჩი დავით ბაქრაძე თავს იკავებს მიხეილ სააკაშვილთან დაკავშირებით იუსტიციის მინისტრის განცხადების შეფასებისგან, რომლის თანახმადაც, თუკი სააკაშვილი ბინას  დაიდებს ამერიკაში, ქართულ მხარეს მოუწევს გარკვეული შეთანხმების მიღწევა ამერიკასთან, რათა მოხდეს საქართველოსთვის მისი გადმოცემა.

„საქართველო ყოველდღიურ აწყდება პროვოკაციებს საოკუპაციო ხაზის მიმდებარე ტერიტორიაზე“, - ამის შესახებ საქართველოს პრემიერ-მინისტრმა გიორგი კვირიკაშვილმა აშშ-ის ვიცე-პრეზიდენტთან მაიკ პენსთან შეხვედრის შემდეგ გამართულ პრესკონფერენციაზე განაცხადა.

ამერიკის შეერთებულ შტატებში საქართველოს ელჩის  დავით ბაქრაძის განცხადებით, ძალიან მკაფიო  და ბუნებრივი იყო ის გზავნილები, რომელიც საქართველომ თავისი სტრატეგიული პარტნიორი სახელმწიფოს ვიცე-პრეზიდენტისგან მიიღო.

„ჩვენი მიზანია ამერიკულ ბიზნესინტერესებს  შევუქმნათ საუკეთესო პლატფორმა რეგიონში და ნიშანდობლივია  ამერიკული კომპანიების დაინტერესება ჩვენთან მიმდინარე რეგიონული მასშტაბის მსხვილ ინფრასტრუქტურულ პროექტებში“,-ამის შესახებ  საქართველოს პრემიერ-მინისტრმა გიორგი კვირიკაშვილმა ამერიკის შეერთებული შტატების ვიცე-პრეზიდენტ მაიკ პენსთან ერთად მთავრობის ადმინისტრაციაში გამართულ ერთობლივ პრესკონფერენციაზე განაცხადა.

ამერიკის შეერთებული შტატების ვიცე-პრეზიდენტ მაიკ პენსს, მთავრობს ადმინისტრაციაში გამართულ პრესკონფერენციაზე The Washington Post-ის ჟურნალისტმა ჰკითხა, დაიცავს თუ არა აშშ საქართველოს რუსეთის თავდასხმის შემთხვევაში.

„უპრეცედენტო იყო პრეზიდენტ ტრამპის, პირადად თქვენი ბატონო ვიცე-პრეზიდენტო და ახალი ადმინისტრაციისა და კონგრესის მიერ საქართველოს ოკუპირებულ ტერიტორიებთან დაკავშირებით მიღებული გადაწყვეტილება“, - ამის შესახებ პრემიერ-მინისტრმა გიორგი კვირიკაშვილმა ამერიკის შეერთებული შტატების ვიცე-პრეზიდენტ მაიკ პენსთან ერთად მთავრობის ადმინისტრაციაში გამართულ პრესკონფერენციაზე განაცხადა.

„დარწმუნებული ვარ, დადგება დღე, როდესაც საქართველო აღნიშნავს თავისი ტერიტორიების დაბრუნებას“, - ამის შესახებ აშშ-ის ვიცე-პრეზიდენტმა მაიკ პენსმა პრემიერ-მინისტრ გიორგი კვირიკაშვილთან შეხვედრის შემდეგ გამართულ პრესკონფერენციაზე განაცხადა.

საგარეო საქმეთა მინისტრის მიხეილ ჯანელიძის შეფასებით, აშშ-ს ვიცე პრეზიდენტის მაიკ პენსის განცხადებით ძალიან  ნათლად დადასტურდა აშშ-ის მტკიცე მხარდაჭერა საქართველოს ევროპულ და ევროატლანტიკური ინტეგრაციის მიმართულებით.

პრემიერ-მინისტრ გიორგი  კვირიკაშვილის განცხადებით, ამერიკის შეერთებული შტატების მხარდაჭერა უმნიშვნელოვანესია საქართველო-რუსეთის კონფლიქტის მშვიდობიანი დარეგულირების პროცესში.

„პრეზიდენტი ტრამპი და მე მხარს ვუჭერთ 2008 წლის ბუქარესტის სამიტის განცხადებას, რომ საქართველო გახდება ნატოს წევრი“, - ამის შესახებ ამერიკის შეერთებული შტატების ვიცე-პრეზიდენტმა მაიკ პენსმა საქართველოს პრემიერ-მინისტრთან შეხვედრის შემდეგ გამართულ პრესკონფერნციაზე განაცხადა.

„მინდა ხაზი გავუსვა, რომ საქართველოს მოსახლეობის გმირობა ყოველთვის დიდ შთაბეჭდილებას ახდენდა ჩემზე“, - ამის შესახებ აშშ-ის ვიცე-პრეზიდენტმა მაიკ პენსმა პრემიერ-მინისტრ გიორგი კვირიკაშვილთან შეხვედრის შემდეგ გამართულ პრესკონფერენციაზე განაცხადა.

საქართველოში ოფიციალური ვიზიტით მყოფი აშშ-ის ვიცე-პრეზიდენტი მაიკ პენსი აცხადებს, რომ რუსეთთან უკეთესი ურთიერთობა შესაძლებელია.

„თქვენი დახმარების შედეგად საქართველო აღარაა არც საბჭოური და არც პოსტსაბჭოური ქვეყანა, დღეს ჩვენ ვართ ევროკავშირთან ასოცირებული, ევროპული დემოკრატია“,-ასე მიმართა  საქართველოს პრემიერ-მინისტრმა გიორგი კვირიკაშვილმა  ამერიკის შეერთებული შტატების ვიცე -პრეზიდენტს მაიკ პენსს მთავრობის ადმინისტრაციაში ერთობლივ პრესკონფერნციაზე.

აშშ-ის ვიცე -პრეზიდენტის მაიკ პენსის განცხადებით, ამერიკის შეერთებული შტატები ქართველი ხალხის გვერდითაა და მხარს უჭერს საქართველოს ნატო-ში გაწევრიანებას.

„ამერიკის შეერთებული შტატების პრეზიდენტმა მომავლინა აქ ძალიან მარტივი გზავნილით თქვენთვის, თქვენი მთავრობისა და დიადი და გულადი ქართველი ხალხისთვის - ჩვენ თქვენთან ვართ!“, - ამ სიტყვებით მიმართა აშშ-ის ვიცე-პრეზიდენტმა მაიკ პენსმა ოფიციალურ ვახშამზე საქართველოს პრემიერ-მინისტრ გიორგი კვირიკაშვილს.