შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და საპატრულო პოლიციის დეპარტამენტის მცხეთა-მთიანეთის სამმართველოს სასაზღვრო სამიგრაციო კონტროლის განყოფილების თანამშრომლებმა, ჩატარებული ოპერატიულ-სამძებრო ღონისძიებების შედეგად, რუსეთის ფედერაციის მოქალაქე, 1987 წელს დაბადებული ა.ჟ. ნარკოდანაშაულისთვის თბილისში დააკავეს.
კოალიციამ დამოუკიდებელი და გამჭვირვალე მართლმსაჯულებისთვის ევროპის საბჭოს მიმართა და 29 აგვისტოს საქართველოს მთავრობის ადამიანის უფლებათა ევროპულ სასამართლოში საქართველოდან ასარჩევი მოსამართლის პოზიციაზე ევროპის საბჭოს მიერ დაწუნებული კანდიდატების ჩანაცვლების მიზნით 2 ახალი კანდიდატის შესარჩევი კონკურსის ხარვეზების შესახებ მიაწოდა ინფორმაცია.
შსს-ს სამცხე-ჯავახეთის პოლიციის დეპარტამენტის და საპატრულო პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო ღონისძიებების შედეგად, ხე-ბუჩქნარის უკანონოდ გაჩეხვის ფაქტზე 15 პირი გამოავლინეს, ხოლო ხე-ტყის პირველადი გადამამუშავებელი ობიექტის (სახერხი საამქროს) ტექნიკური რეგლამენტის მოთხოვნების დარღვევის ფაქტზე 1 პირი ამხილეს.
მამა კახაბერ გოგოტიშვილი ე.წ. ციანიდის საქმის განაჩენთან დაკავშირებით კომენტარს არ აკეთებს.
სახალხო დამცველი ე.წ. ციანიდის საქმეზე გამოტანილ განაჩენს ეხმაურება და მიიჩნევს, რომ სასამართლოს მიერ გამოტანილი გამამტყუნებელი განაჩენით მართლმსაჯულება არ აღსრულდა.
საქართველოს უზენაესმა სასამართლომ გაზეთ „ასავალ-დასავალს", ჟურნალისტებსა და რედაქტორს მამუკა ხაზარაძის სასარგებლოდ დააკისრა მორალური ზიანის ანაზღაურება, ასევე გაზეთის მიერ გავრცელებული ცრუ ინფორმაციის საჯაროდ უარყოფა. უზენაესი სასამართლოს გადაწყვეტილება საბოლოოა და არ საჩივრდება.
მთავარი პროკურატურა საქართველოს ყოფილი პრეზიდენტის, მიხეილ სააკაშვილის დაკავებისა და ექსტრადიციის მოთხოვნით უკრაინისთვის მიმართვის შესახებ განცხადებას ავრცელებს.
უკრაინის იუსტიციის მინისტრის მოადგილის სერგეი პეტუხოვის ინფორმაციით, უკრაინის ხელისუფლებამ საქართველოსგან ყოფილი პრეზიდენტის მიხეილ სააკაშვილის ექსტრადირების შესახებ მოთხოვნა მიიღო, - ამის შესახებ უკრაინული მედია იუწყება.
„რუსთავი 2“-ის გენერალური დირექტორი ნიკა გვარამია ე.წ. ციანიდის საქმეში ბრალდებულ დეკანოზ გიორგი მამალაძეს იურიდიულ მომსახურებას სთავაზობს.
მთავარი პროკურატურა ე.წ. ციანიდის საქმეზე განცხადებას ავრცელებს.
მოსამართლე ბესიკ ბუგიანიშვილმა მამა გიორგი მამალაძე შორენა თეთრუაშვილის ანგარებით მკვლელობის მომზადებაში გაამართლა და შურისძიებით მკვლელობის მომზადებაში სცნო დამნაშავედ.
თბილისის საქალაქო სასამართლოში ე.წ. ციანიდის საქმეზე მიღებულ გადაწყვეტილებას ხმაური მოჰყვა.
თბილისის საქალაქო სასამართლომ ე.წ. ციანიდის საქმეზე ბრალდებული დეკანოზი გიორგი მამალაძე სსკ-ის 18/108 მუხლით გათვალისწინებულ ბრალდებაში დამნაშავედ ცნო.
დეკანოზ მამა გიორგი მამალაძის საქმეზე განაჩენი ხვალ გახდება ცნობილი. სხდომა თბილისის საქალაქო სასამართლოში 12:00 საათზე ჩაინიშნა. ინფორმაციას მამა გიორგი მამალაძის ადვოკატი გიორგი ფანცულაია ავრცელებს.
საქალაქო სასამართლოში მერიის ყოფილი თანამშრომლის ოთარ აბესაძის სასამართლო პროცესი გადაიდო.
საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტმა ორი პოლიტპატიმრის: გია სალუქვაძის და თეიმურაზ ჟღენტის მიმართ გამოტანილი გამამტყუნებელი განაჩენების გადასინჯვის გადაწყვეტილება მიიღო.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
