დამოუკიდებელმა დეპუტატმა სალომე ზურაბიშვილმა პოლიტიკური დებატების ფორმატში პარლამენტში  სიტყვით გამოსვლისას, პრეზიდენტი სხვადასხვა საკითხთან დაკავშირებით, მწვავედ გააკრიტიკა.

საქართველოს პრეზიდენტი გიორგი მარგველაშვილი პარლამენტის წინაშე ყოველწლიური მოხსენებით წარდგა. სხდომას პარლამენტის წევრების გარდა, აღმასრულებელი და სასამართლო ხელისუფლების, ასევე დიპლომატიური კორპუსის წარმომადგენლები ესწრებოდნენ.

„უფრო ობიექტური და შინაარსობრივი ტექსტის მოლოდინი  მქონდა“,-ასე შეაფასა ეკონომიკისა და მდგრადი განვითარების მინისტრმა გიორგი გახარიამ პრეზიდენტის ყოველწლიური მოხსენება პარლამენტში.

ფრაქცია „ქართული ოცნების“ თავმჯდომარის მამუკა მდინარაძის შეფასებით, პრეზიდენტის ყოველწლიური მოხსენებით გამოსვლა ტენდენციური იყო.

„ვფიქრობდი, რომ ვინაიდან პრეზიდენტი პარლამენტში მობრძანებოდა, სადაც პრემიერ-მინისტრი, მთავრობა. დიპლომატიური კორპუსი იყო, ის უფრო მომზადებული იქნებოდა“,-ასე  გამოეხმაურა  ვიცე პრემიერი, ენერგეტიკის  მინისტრი კახა კალაძე პრეზიდენტის ყოველწლიურ მოხსენებას პარლამენტში.

მინისტრთა კაბინეტის წევრები პარლამენტში პოლიტიკურ დებატებს არ დაესწრებიან. მათ საკანონმდებლო ორგანო უკვე დატოვებს.

„ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი, ღრმა და ობიექტური“, - ასე შეაფასა საქართველოს პრემიერ-მინისტრმა გიორგი კვირიკაშვილმა პრეზიდენტის ყოველწლიური მოხსენება.

საქართველოს პრეზიდენტ გიორგი მარგველაშვილის  განცხადებით,  ე.წ. მოსმენების კანონთან დაკავშირებით მოქალაქეების სარჩელს მხარს უჭერს  და საკონსტიტუციო სასამართლოს განსხვავებული სტატუსით - სასამართლოს მეგობრის სტატუსით მიმართავს:

საქართველოს პრეზიდენტ გიორგი მარგველაშვილის შეფასებით, მცდარია შეხედულება, თითქოს პოლიტიკური რეაგირებისთვის აუცილებელია დანაშაულის სისტემურობა. პრეზიდენტის აზრით, პრევენცია, ერთეულ  შემთხვევაზე პრინციპული რეაგირებით იწყება.

„განათლება დაცულობის გარანტიაა, ჩვენ ცოდნა გვიცავს, გვიცავს სიცრუისგან, სიყალბისგან და მანიპულირებისგან“, - ამის შესახებ საქართველოს პრეზიდენტმა გიორგი მარგველაშვილმა პარლამენტში ყოველწლიური მოხსენებით გამოსვლისას განაცხადა.

„მივმართავს ელჩებს, იყავით ჩვენი ხმა ნატოს მომავალ სამიტზე“,-ასე მიმართა საქართველოს პრეზიდენტმა გიორგი მარგველაშვილმა დიპლომატიური კორპუსის წარმომადგენლებს პარლამენტში  ყოველწლიური მოხსენებით გამოსვლისას.

"ერთიანი ნაციონალური მოძრაობის" ლიდერ ნიკა მელიას განცხადებით, პრეზიდენტის ანგარიში ქვეყანაში მიმდინარე მოვლენებს მეტ-ნაკლებად ასახავდა.